പനാജി : ഗോവ ഗവർണർ പിഎസ് ശ്രീധരൻ പിള്ളയെ സന്ദർശിച്ച് നടൻ മോഹൻലാൽ. ഇന്ന് രാവിലെയാണ് ഗവർണറെ സന്ദർശിക്കാൻ മോഹൻലാലും സംഘവും രാജ് ഭവനിലെത്തിയത്. നിർമ്മാതാവ് ആന്റണി പെരുമ്പാവൂരും സജി സോമനും നടനോടൊപ്പമുണ്ടായിരുന്നു. ഈ ചിത്രങ്ങൾ പിഎസ് ശ്രീധരൻപിള്ള സമൂഹമാദ്ധ്യമങ്ങളിലൂടെ പങ്കുവെച്ചു.
‘ഇന്ത്യൻ സിനിമയിലെ അഭിനയ സാമ്രാട്ടെന്ന് വിശേഷിപ്പിക്കുന്ന, പ്രിയ താരം മോഹൻലാൽ രാജ്ഭവനിൽ അതിഥിയായി എത്തി. ചലച്ചിത്ര നിർമ്മാതാവ് ആന്റണി പെരുമ്പാവൂരും അദ്ദേഹത്തോടൊപ്പമുണ്ടായിരുന്നു’, എന്ന് മോഹൻലാലിനൊപ്പമുള്ള ചിത്രം പങ്കുവച്ച് പി എസ് ശ്രീധരൻപിള്ള ട്വിറ്ററിൽ കുറിച്ചു.
മോഹൻലാലും ഗോവ ഗവർണറോടൊപ്പമുള്ള ചിത്രങ്ങൾ പങ്കുവെച്ചിട്ടുണ്ട്. ”ഗോവ ഗവർണർ പി.എസ്.ശ്രീധരൻ പിള്ളയെ ഇന്ന് രാജ്ഭവനിൽ കാണാൻ സാധിച്ചതിൽ സന്തോഷമുണ്ട്. നിങ്ങളുടെ ആതിഥ്യത്തിന് വളരെയേറെ നന്ദി” എന്ന് മോഹൻലാൽ കുറിച്ചു.
പിഎസ് ശ്രീധരൻ പിള്ള മോഹൻലാലിനും ആന്റണി പെരുമ്പാവൂരിനും സമ്മാനങ്ങൾ നൽകി. ഗവർണർക്ക് ഇരുവരും ചിത്രം സമ്മാനിച്ച ശേഷമാണ് രാജ്ഭവനിൽ നിന്ന് തിരിച്ചത്.
Comments