മുംബൈ: സൺറൈസേഴ്സ് ഹൈദരാബാദിനെതിരെ 54 റൺസിന് വിജയം സ്വന്തമാക്കി കൊൽക്കത്ത നൈറ്റ് റൈഡേഴ്സ്. കൊൽക്കത്ത ഉയർത്തിയ 178 റൺസ് വിജയ ലക്ഷ്യം പിന്തുടർന്ന സൺറൈസേഴ്സിന് എട്ടു വിക്കറ്റ് നഷ്ടത്തിൽ 123 റൺസേ നേടാൻ കഴിഞ്ഞുള്ളു. 28 പന്തിൽ പുറത്താകാതെ 49 റൺസെടുത്ത ആന്ദ്രെ റസ്സസാണ് കൊൽക്കത്തയുടെ ടോപ് സ്‌കോറർ. 28 പത്തിൽ 43 റൺസെടുത്ത അഭിഷേക് ശർമ്മയാണ് സൺറൈസേഴ്‌സിന്റെ ടോപ്പ് സ്‌കോറർ.
കൊൽക്കത്ത നൈറ്റ് റൈഡേഴ്സ് 20 ഓവറിൽ 177-6, സൺറൈസേഴ്സ് ഹൈദരാബാദ് 20 ഓവറിൽ 123-8 ഉം നേടി. റസ്സൽ, സാം ബില്ലിങ്‌സ് എന്നിവരുടെ മികവിലാണ് കൊൽക്കത്ത വിജയം സ്വന്തമാക്കിയത്. ടോസ് നേടിയ കൊൽക്കത്ത ക്യാപ്റ്റൻ ശ്രേയസ് അയ്യർ ബാറ്റിങ് തിരഞ്ഞെടുക്കുകയായിരുന്നു. സാം ബില്ലിങ്‌സും ആന്ദ്രെ റസ്സലും ചേർന്ന് ആറാം വിക്കറ്റിൽ 63 റൺസെടുത്തതാണ് കൊൽക്കത്തയെ 177 ൽ എത്തിച്ചു.
ഹൈദരാബാദിനായി ഉമ്രാൻ മാലിക്ക് നൈറ്റ് റൈഡേഴ്‌സിന്റെ മൂന്നു വിക്കറ്റ് വീഴ്‌ത്തി. ഭുവനേശ്വർ കുമാർ, മാർക്കോ ജാൻസൻ, ടി.നടരാജയൻ എന്നിവർ ഓരോ വിക്കറ്റു വീതവും വീഴ്‌ത്തി. ഹൈദരാബാദിന്റെ തുടർച്ചയായ അഞ്ചാം തോൽവിയാണിത്. തോൽവിയോടെ പോയിന്റ് ടേബിളിൽ എട്ടാം സ്ഥാനത്തേയ്‌ക്ക് താഴ്ന്ന ഹൈദരാബാദിന്റെ പ്ലേഓഫ് പ്രതീക്ഷകൾ ഏതാണ്ട് പൂർണമായി അവസാനിച്ചു.
