തിരുവനന്തപുരം: വർദ്ധിച്ച ആത്മവിശ്വാസത്തോടെയാണ് രണ്ടാം വർഷത്തിലേക്ക് കടക്കുന്നതെന്നും ജനപിന്തുണ വർദ്ധിച്ചുവെന്നും മുഖ്യമന്ത്രി പിണറായി വിജയൻ. തദ്ദേശ സ്വയം ഭരണ സ്ഥാപനങ്ങളിലേക്ക് നടന്ന ഉപതിരഞ്ഞെടുപ്പിന്റെ ഫലം ജന പിന്തുണ വർദ്ധിച്ചതിന്റെ തെളിവാണെന്ന് മുഖ്യമന്ത്രി അവകാശപ്പെട്ടു.
ഏത് തരത്തിലുള്ള പ്രതികൂല കാലവാസ്ഥ വന്നാലും ഏറ്റെടുത്ത ഉത്തരവാദിത്വങ്ങൾ നിറവേറ്റുന്നതിൽ നല്ല പ്രതിബദ്ധതയോടെ നീങ്ങാൻ കഴിഞ്ഞുവെന്ന് മുഖ്യമന്ത്രി കൂട്ടിച്ചേർത്തു.സർവ്വതല സ്പർശിയും സാമൂഹ്യ നീതി അധിഷ്ടിതവുമായ വികസനമാണ് എൽഡിഎഫ് ലക്ഷ്യം വെയ്ക്കുന്നതെന്ന് അദ്ദേഹം കൂട്ടിച്ചേർത്തു.
യുവ തലമുറ ആഗ്രഹിക്കുന്ന ആധുനിക തൊഴിലവസരങ്ങൾ കേരളത്തിൽ സൃഷ്ടിക്കുന്നതിന് വലിയ ശ്രമങ്ങൾ നടത്തി. പ്രകടനപത്രികയിലെ വാഗ്ദാനങ്ങൾ നടപ്പിലാക്കുന്നതിനോടൊപ്പം പ്രത്യേക ശ്രദ്ധ ചെലുത്തി നടപ്പിലാക്കേണ്ട ചില മേഖലകൾ അതിൽ ശ്രദ്ധ ചെലുത്തിയാണ് നൂറ് ദിന കർമ്മ പരിപാടി ആവിഷ്കരിച്ചതെന്ന് അദ്ദേഹം വ്യക്തമാക്കി.
ലൈഫിന്റെ ഭാഗമായി 2,95006 വീടുകൾ നിർമ്മിച്ചു, 33,530 പട്ടയങ്ങൾ വിതരണം ചെയ്തു, നാലു ലക്ഷത്തോളം തൊഴിലവസരങ്ങൾ സൃഷ്ടിച്ചുവെന്ന് അദ്ദേഹം അവകാശപ്പെട്ടു.
Comments