വാഷിംഗ്ടൺ: 2016 ൽ പുറത്തിറങ്ങിയ മാർവൽ കോമിക്‌സിന്റെ ഡോക്ടർ സ്‌ട്രെയ്ഞ്ച് എന്ന ടിവി സീരീസിലൂടെ പ്രശസ്തയായ സാറ ഫിഥിയന് എട്ടുവർഷം തടവ്. ഹോളിവുഡിൽ കോളിളക്കം സൃഷ്ടിച്ച ലൈംഗികാരോപണ കേസിലാണ് സാറയ്‌ക്ക് ശിക്ഷ.
ബെനഡിക്റ്റ് കംബർബാച്ച് എന്ന കഥാപാത്രത്തിലൂടെ പ്രശസ്തയായ സാറ ഫിഥിയൻ 13 വയസുകാരിയെ ലൈംഗികമായി ദുരുപയോഗം ചെയ്തതിനാണ് ശിക്ഷിക്കപ്പെട്ടിരിക്കുന്നത്. സാറയുടെ ഭർത്താവും പെൺകുട്ടിയെ ലൈംഗികമായി പീഡിപ്പിച്ച കേസിൽ കുറ്റക്കാരനെന്ന് കോടതി നിരീക്ഷിച്ചിട്ടുണ്ട്. 14 വർഷത്തെ കടിന തടവാണ് സാറയുടെ ഭർത്താവ് വിക്ടർ മാർക്കിളിന് ശിക്ഷ വിധിച്ചിരിക്കുന്നത്. പെൺകുട്ടിയെ ഭർത്താവുമായി ബന്ധം സ്ഥാപിക്കാൻ നിർബന്ധിച്ചതിനും സാറയ്‌ക്കെതിരെ കേസുണ്ട്.
2005 മുതലാണ് പെൺകുട്ടി പീഡനത്തിന് ഇരയായത്. തായ്ക്വാൻഡോ പരിശീലകനായ മാർക്ക് കുട്ടിയെ പീഡിപ്പിക്കുകയും സാറ ഇതിനോടൊപ്പം ചേരുകയുമായിരുന്നു. 2008 വരെ പീഡനം തുടർന്നു. പെൺകുട്ടി എതിർത്തപ്പോൾ നിന്നെ ആരും വിശ്വസിക്കില്ലെന്നായിരുന്നു ദമ്പതിമാരുടെ മറുപടി.
