ചണ്ഡീഗണ്ഡ്: കോൺഗ്രസ് നേതാവും പഞ്ചാബി ഗായകനുമായ സിദ്ദു മൂസേവാലയുടെ കൊലപാതകത്തിന്റെ ഉത്തരവാദിത്വം ഏറ്റെടുത്ത് കാനഡ ഗുണ്ടാ സംഘം. കാനഡ ആസ്ഥാനമാക്കി പ്രവർത്തിയ്ക്കുന്ന ഗുണ്ടാ സംഘത്തിലെ അംഗമായ ഗോൾഡി ബ്രാർ എന്ന സതീന്ദർ സിംഗിന്റ ഫേസ്ബുക്ക് പോസ്റ്റിലൂടെയാണ് ഉത്തരവാദിത്വം ഏറ്റെടുക്കുന്നതായി അറിയിച്ചത്. കുപ്രസിദ്ധ ഗുണ്ട ലോറൻസ് ബിഷ്ണോയിയുടെ അടുത്ത കൂട്ടാളിയാണ് ഗോൾഡ് ബ്രാർ.
2021 ഓഗസ്റ്റർ മൊഹാലിയിൽ വെടിയേറ്റു മരിച്ച അകാലിദൾ നേതാവ് വിക്കു മിഖിദ്ദേരയുടെ മരണത്തിൽ സിദ്ദുവിന് പങ്കുള്ളതായി ആരോപണമുണ്ടായിരുന്നു. അകാലിദൾ നേതാവിന്റെ മരണത്തിന് പ്രതികാരമായാണ് സിദ്ദുവിനെ കൊന്നതെന്ന് ഗോൾഡി വ്യക്തമാക്കുന്നു. സിദ്ദുവിനെതിരെ നടപടിയൊന്നും സ്വീകരിക്കാത്തതിൽ പ്രതിഷേധിച്ചാണ് കൊലപാതകം എന്ന് ഗുണ്ടാ നേതാവ് പറയുന്നു.
സിദ്ദു മൂസേവാലയുടെ കൊലപാതകത്തിന്റെ ഉത്തരവാദിത്തം സച്ചിൻ ബിഷ്ണോയ് ധട്ടാരൻവാലി, ലോറൻസ് ബിഷ്ണോയ് എന്നീ ഗ്രൂപ്പിനൊപ്പം ഞാനും ഏറ്റെടുക്കുന്നുവെന്ന് ഗോൾഡി പോസ്റ്റിൽ കുറിച്ചുനിരവധി ക്രിമിനൽ കേസുകളിലെ പ്രതിയായ ഇയാൾക്കെതിരെ കോൺഗ്രസ് പ്രസിഡന്റ് ഗുർലാൽ സിംഗ് പെഹൽവാനെ കൊലപ്പെടുത്തിയ കേസിൽ ഈ മാസം ആദ്യം ഫരീദ്പൂർ കോടതി ലുക്ക് ഔട്ട് നോട്ടീസ് പുറത്തിറക്കിയിരുന്നു. കൊലപാതകത്തിന് പിന്നിൽ ബിഷ്ണോയി സംഘമാണെന്ന് പഞ്ചാബ് പോലീസും സ്ഥിരീകരിച്ചിട്ടുണ്ട്.
മാൻസയിൽ വെച്ച് അജ്ഞാതരാണ് സിദ്ദു മൂസേവാലയ്ക്ക് നേരെ വെടിയുതിർത്തത്. കാറിൽ സുഹൃത്തുക്കൾക്കൊപ്പം സഞ്ചരിക്കുമ്പോളായിരുന്നു ആക്രമണം. 30 റൗണ്ടാണ് അക്രമികൾ വെടിയുതിർത്തത്. സുഹൃത്തുക്കൾക്കും പരിക്കേറ്റിട്ടുണ്ട്.
Comments