ഇക്കഴിഞ്ഞ ഐപിഎല്ലിൽ വമ്പന്മാരെയെല്ലാം പിന്നിലാക്കി അവസാന മത്സരം വരെ പോരാടിക്കൊണ്ടാണ് സഞ്ജുവിന്റെ പിങ്ക് പട അരങ്ങൊഴിഞ്ഞത്. ഗുജറാത്തിനോട് പരാജയപ്പെട്ടെങ്കിലും ഏറെ കാലത്തിന് ശേഷമുള്ള രാജസ്ഥാന്റെ തിരിച്ചുവരവ് ക്രിക്കറ്റ് ആരാധകർ ഒന്നാകെ ഏറ്റെടുത്തിരിക്കുകയാണ്. ഇപ്പോൾ സഞ്ജുവിന്റെ ടീമിനെ അഭിനന്ദിച്ചുകൊണ്ട് രംഗത്തെത്തിയിരിക്കുകയാണ് നടനും മുൻ എംപിയുമായ സുരേഷ് ഗോപി.
താരത്തിന് രാജസ്ഥാൻ റോയൽസ് തങ്ങളുടെ ജെഴ്സി അയച്ചുകൊടുത്തിരുന്നു. എസ്ജി 250 എന്നാണ് ജെഴ്സിയിൽ എഴുതിയിരിക്കുന്നത്. സിനിമാ ജീവിതത്തിൽ 250 ചിത്രങ്ങൾ പിന്നിട്ടിരിക്കുകയാണ് സുരേഷ് ഗോപി. ഇതിനോടുള്ള ആദരസൂചകമായാണ് എസ്ജി 250. ഈ ചിത്രം പങ്കുവെച്ച സുരേഷ് ഗോപി താരങ്ങൾക്ക് എല്ലാവിധ ആശംസകളും നേർന്നു.
ടീമിന്റെ ഭാവിക്ക് എല്ലാവിധ ഭാവുകങ്ങളും നേർന്ന താരം സഞ്ജുവിനും സംഘത്തിനും എല്ലാവിധ ആശംസകളും അറിയിച്ചു. ഗംഭീരമായ ജേഴ്സി ലഭിച്ചതിൽ സന്തോഷമുണ്ടെന്നും അയച്ചതിന് രാജസ്ഥാൻ റോയൽസിലെ എല്ലാവർക്കും നന്ദി രേഖപ്പെടുത്തുന്നതായും സുരേഷ് ഗോപി പറഞ്ഞു.
Leave a Comment