മലപ്പുറം: സ്വാതന്ത്ര്യ സമര സ്മാരക ഭൂമിയിലെ നിർമ്മാണം നിർത്തിവെക്കാൻ ഉത്തരവിട്ട് കോടതി. സംസ്ഥാനത്തെ ഏക സ്വാതന്ത്ര്യ സമര സ്മാരക ഭൂമിയി
ൽ നിർമ്മിച്ചു കൊണ്ടിരിക്കുന്ന കെട്ടിട നിർമ്മാണം നിർത്തിവയ്ക്കാനാണ് ഉത്തരവ്. പൊന്നാനി മുൻസിഫ് മജിസ്ട്രേറ്റ് എം.ആർ.ദിലീപ് ആണ് ഉത്തരവിട്ടത്.
സ്വാതന്ത്ര്യ സമര സ്മാരക ഭൂമിയിൽ വിശ്രമ മന്ദിരം എന്ന പേരിൽ ശൗചാലയത്തിന്റെ നിർമ്മാണ പ്രവർത്തനങ്ങളാണ് നടത്തുന്നത്. ഇത് സ്വാതന്ത്ര്യ സമര സേനാനികളെ അപമാനിക്കുന്നതാണെന്നും, രാജ്യതാൽപ്പര്യത്തിന് വിരുദ്ധമാണെന്നും ചൂണ്ടിക്കാട്ടി തിരൂർ സ്വദേശി ദിനേശ് നൽകിയ ഹർജിയിലാണ് കോടതി ഉത്തരവ്.
നഗരസഭ സെക്രട്ടറിയെ പ്രതിചേർത്ത് തിരൂർ മുൻസിഫ് കോടതിയിലാണ് ഹർജി നൽകിയത്. എന്നാൽ തിരൂരിൽ മുൻസിഫ് ഇല്ലാത്തതിന്റെ പേരിൽ ഹർജി പൊന്നാനി കോടതിയിലേക്ക് പരിഗണനയ്ക്കെത്തുകയായിരുന്നു. കോടതി നിയോഗിച്ച അഡ്വക്കറ്റ് കമ്മീഷണറുടെ റിപ്പോർട്ടിന്റെ അടിസ്ഥാനത്തിലാണ് ഉത്തരവ്.
