മെക്സിക്കോ സിറ്റി: മെക്സിക്കോയിൽ ഉണ്ടായ വെടിവെയ്പ്പിൽ സ്കൂൾ കുട്ടികളടക്കം ആറ് മരണം. സെൻട്രൽ മെക്സിക്കോയിലെ തെരുവിലാണ് വെിവെയ്പ്പ് ഉണ്ടായത്. തോക്കുധാരികളായ ഒരു സംഘം തെരുവിലെത്തുകയും ജനങ്ങൾക്ക് നേരെ വെടിയുതിർക്കുകയും ആയിരുന്നുവെന്ന് പോലീസ് പറയുന്നു. വെടിവെയ്പ്പിൽ അഞ്ച് കുട്ടികളും ഒരു വൃദ്ധയുമാണ് കൊല്ലപ്പെട്ടത്.
കൊല്ലപ്പെട്ട കുട്ടികൾ പതിനാറിനും പത്തിനെട്ടിനും വയസ്സിനിടയിൽ പ്രായമുള്ളവരാണ്. രണ്ടാഴ്ചകൾക്ക് മുമ്പാണ് ഗ്വാനജുവാറ്റോയിലെ മറ്റൊരു നഗരമായ സെലായയിൽ കൂട്ടവെടിപ്പ് നടന്നത്. നഗരത്തിലെ ഹോട്ടലുകളിലും ബാറുകളിലുമായി ഉണ്ടായ ഗുണ്ടാസംഘത്തിന്റെ വെടിവെയ്പ്പിൽ 11 പേരാണ് കൊല്ലപ്പെട്ടത്. കോല്ലപ്പെട്ടവരിൽ എട്ട് സ്ത്രീകളും ഉൾപ്പെട്ടിരുന്നു.
മെക്സിക്കോയിൽ അടുത്തിടെ ചരിത്രത്തിൽ കാണാത്ത തരത്തിലുള്ള ഗുണ്ടാ അക്രമങ്ങളാണ് നടക്കുന്നതെന്ന് മേയറും പോലീസ് ഉദ്യോഗസ്ഥരും പറയുന്നു. ഗുണ്ടാ സംഘങ്ങൽ തമ്മിലും നിരന്തരം അക്രമങ്ങൾ നടക്കുന്നു. നഗരത്തിൽ മയക്ക് മരുന്നു മാഫിയ ശക്തമാണെന്നും ലഹരി വസ്തുക്കളുെടെ വിറ്റഴിക്കലുമായി ബന്ധപ്പെട്ട് നിരന്തരം നഗരങ്ങളിൽ ഗുണ്ടാ സംഘങ്ങൾ തമ്മിൽ ഏറ്റുമുട്ടുന്നു. ഇതിൽ നിരവധി സാധരണക്കാർ ബലിയാടാകുന്നുണ്ടെന്നും പോലീസ് ഉദ്യോഗസ്ഥർ പറയുന്നു.
ഔദ്യോഗിക കണക്കുകൾ പ്രകാരം മെക്സിക്കോയിൽ ലഹരി മാഫിയയുടെയും ഗുണ്ടാ സംഘങ്ങളുടെയും ആക്രമണവുമായി ബന്ധപ്പെട്ട് 340,000 കൊലപാതകങ്ങൾ രേഖപ്പെടുത്തിയിട്ടുണ്ട്.
