ഡൽഹി : ഡൽഹി മുഖ്യമന്ത്രി അരവിന്ദ് കെജ്രിവാളിനെതിരെ ആരോപണവുമായി അകാലി ദൾ പ്രസിഡന്റ് സുഖ്ബീർ സിങ് ബാദൽ.കെജ്രിവാൾ പഞ്ചാബ് മുഖ്യമന്ത്രി ഭഗവന്ത് മാനിന് ആഴ്ചയിൽ ഓരോ പെട്ടി മദ്യകുപ്പികൾ വീതം അയക്കാറുണ്ടെന്നാണ് അദ്ദേഹം ആരോപിച്ചിരിക്കുന്നത്.
കൂടാതെ പഞ്ചാബ് സർക്കാരിനെ നയിക്കുന്നത് ഡൽഹി മുഖ്യമന്ത്രിയാണെന്നും ,മദ്യകുപ്പികൾ അയച്ചതിന് ശേഷം മാനിനോട് ഓഫീസിൽ തുടരാനും ജീവിതം ആസ്വദിക്കാനും പറയുമെന്ന് അദ്ദേഹം കൂട്ടിച്ചേർത്തു.
പഞ്ചാബ് ഗായകൻ സിദ്ദു മൂസെവാലയുടെ കൊലപാതകത്തിന് കാരണം ആംആദ്മി പാർട്ടി സർക്കാരാണെന്നും ,സിദ്ദുവിന്റെ സുരക്ഷ പിൻവലിച്ചത് ശത്രുക്കളെ അറിയിച്ചത് സർക്കാരാണ് അതാണ് അദ്ദേഹത്തിന്റെ കൊപാതകത്തിന് കാരണമായതെന്നും സുഖ്ബീർ സിങ് ആരോപിച്ചു.
കഴിഞ്ഞ മാസം സിദ്ദുവും സുഹൃത്തുക്കളും കാറിൽ സഞ്ചരിക്കവെയാണ് അജ്ഞാതസംഘം ഇവർക്ക് നേരെ വെടിയുതിർത്തത്.സിദ്ദു ഉൾപ്പെടെ മൂന്ന് പേർക്ക് വെടിവെപ്പിൽ ഗുരുതരമായി പരിക്കേറ്റു.ഇവരെ ഉടൻ ആശുപത്രിയിൽ എത്തിച്ചെങ്കിലും സിദ്ദുവിനെ രക്ഷിക്കാനായില്ല. അതേസമയം കഴിഞ്ഞ ദിവസം സിദ്ദു മൂസെവാലയുടെ കൊലയാളിയെ പൊലീസ് അറസ്റ്റ് ചെയ്തിരുന്നു. പൂനെയിൽ നിന്നാണ് പ്രതി പിടിയിലായതെന്നാണ് പുറത്ത് വരുന്ന വിവരം .സന്തോഷ് ജാദവ് എന്നയാളാണ് പോലീസിന്റെ പിടിയിലായത്.
Comments