ന്യൂഡൽഹി : വിമാനത്തിൽ വെച്ച് അത്യാസന്ന നിലയിലായ യാത്രക്കാരന് പ്രാഥമിക ചികിത്സ നൽകി കേന്ദ്ര മന്ത്രിയും ബിജെപി നേതാവും. കേന്ദ്ര ധനകാര്യ സഹമന്ത്രി ഡോ.ബികെ കാരാഡും മുൻ കേന്ദ്രമന്ത്രി ഡോ.സുഭാഷ് ഭാംരെയുമാണ് അടിയന്തിര ഇടപെടൽ നടത്തി യാത്രക്കാരന് തുണയായത്. ഡൽഹി-ഔറംഗാബാദ് യാത്രാ വിമാനത്തിൽ വെച്ചാണ് സംഭവം.
വിമാന യാത്രയ്ക്കിടെ ഒരാൾ പെട്ടെന്ന് കുഴഞ്ഞ് വീഴുകയായിരുന്നു. ഇതോടെ വിമാനത്തിലെ മാനദണ്ഡങ്ങൾ പാലിച്ച്, യാത്രക്കാരിൽ ഡോക്ടർമാരുണ്ടോ എന്ന് എയർ ഇന്ത്യ ക്രൂ പരിശോധിച്ചു. അപ്പോൾ വിമാനത്തിലുണ്ടായിരുന്ന കേന്ദ്ര ധനകാര്യ സഹമന്ത്രി ഡോ.ബി.കെ കാരാഡും മുൻ കേന്ദ്രമന്ത്രി ഡോ.സുഭാഷ് ഭാംരെയും നേരിട്ടെത്തുകയായിരുന്നു. തുടർന്ന് ഇവർ യാത്രക്കാരനെ പരിശോധിച്ചു.
#FlyAI : A passenger onboard our Delhi-Aurangabad flt yesterday fell ill. As per SOP the crew announced to check if any doctor was on board. We would like to thank Dr B.K. Karad(Mos Finance) & Dr. Subhash Bhamre who immediately attended to him. pic.twitter.com/kmN8CMGYDL
— Air India (@airindiain) June 17, 2022
നേതാക്കൾക്ക് നന്ദി രേഖപ്പെടുത്തിക്കൊണ്ട് എയർ ഇന്ത്യയാണ് ട്വിറ്ററിലൂടെ ഇക്കാര്യം അറിയിച്ചത്. ഇതിന്റെ ചിത്രവും പങ്കുവെച്ചിട്ടുണ്ട്.
Comments