നായയോടൊപ്പം യോഗ ചെയ്യുന്ന യുവതിയുടെ വീഡിയോയാണ് അന്താരാഷ്‌ട്ര യോഗ ദിനത്തിൽ സമൂഹമാദ്ധ്യമങ്ങളിൽ പ്രചരിക്കുന്നത്. ഒറ്റനോട്ടത്തിൽ അത്ഭുതം തോന്നിപ്പിക്കുന്ന തരത്തിലാണ് യുവതി വളർത്തുനായയെ കൊണ്ട് യോഗാഭ്യാസങ്ങൾ ചെയ്യിപ്പിക്കുന്നത്. എന്നാൽ മനുഷ്യരുടെ അടുത്ത ചങ്ങാതികളായ നായ്‌ക്കൾ യോഗ അഭ്യസിപ്പിക്കുന്ന രീതി പുതിയതല്ല. ”ഡോഗ” എന്ന പേരിൽ ഏറെ കാലമായി നിലവിലുള്ള ഒരു പരിശീലനമാണിത്. നായയോടൊപ്പം യോഗ ചെയ്യുന്നതിനെയാണ് ”ഡോഗ” എന്ന് വിളിക്കുന്നത്.
വളർത്തുനായ്‌ക്കൾക്കൊപ്പം വ്യായാമമായി ചെയ്യുന്ന യോഗ പരിശീലനമാണ് ഡോഗ എന്ന് വിദഗ്ധർ പറയുന്നു. ഡോഗ എന്നാൽ നിങ്ങളുടെ നായയെ നിങ്ങളുടെ യോഗ പോസുകൾ ചെയ്യിക്കലല്ല, മറിച്ച് നായയെ നിങ്ങളുടെ അരികിലിരുത്തി യോഗ ചെയ്യിക്കുന്നതാണെന്ന് യൂറോപ്യൻ ഡോഗ വിദഗ്‌ദ്ധനായ മഹ്നി ജഹാനഗുരി പറയുന്നു. ആസ്വാദ്യകരവും രസകരവുമായ ഈ പ്രവൃത്തിയിലൂടെ നായ്‌ക്കൾക്ക് വിശ്രമിക്കാനും ശാന്തമാകാനും അവസരം ലഭിക്കുമെന്നാണ് വിദഗ്ധരുടെ നിരീക്ഷണം.
ഓസ്‌ട്രേലിയൻ യുവതിയാണ് നായയുമൊത്ത് ഡോഗ അഭ്യസിക്കുന്ന വീഡിയോ സമൂഹമാദ്ധ്യമങ്ങളിൽ പങ്കുവെച്ചത്. സീക്രറ്റ് എന്ന തന്റെ ചത്തുപോയ നായയെപ്പറ്റിയും ഹൃദയഭേദകമായ ഒരു കുറിപ്പും യുവതി എഴുതിയിട്ടുണ്ട്. ഈ വീഡിയോ കണ്ട് നിരവധി പേരാണ് പ്രതികരണങ്ങളുമായി രംഗത്തെത്തിയിരിക്കുന്നത്.
Comments