ഭുവനേശ്വർ: രാഷ്ട്രപതി സ്ഥാനാർത്ഥി പ്രഖ്യാപനത്തിന് പിന്നാലെ ജഗന്നാഥ ക്ഷേത്രത്തിൽ ദർശനം നടത്തി ദ്രൗപതി മുർമു. ബുധനാഴ്ച രാവിലെയാണ് ഒഡീഷയിലെ റായ്‌രംഗപൂർ ജഗന്നാഥ ക്ഷേത്രത്തിൽ എൻഡിഎയുടെ രാഷ്ട്രപതി സ്ഥാനാർത്ഥിയായ മുർമു ദർശനം നടത്തിയത്.
#WATCH | Odisha: NDA's Presidential candidate Draupadi Murmu offers prayers at Rairangpur Jagannath Temple pic.twitter.com/qqUAEY9xWB
— ANI (@ANI) June 22, 2022
ഒഡീഷയിലെ മയൂർഭഞ്ച് ജില്ലയിലാണ് ജഗന്നാഥ ക്ഷേത്രം. ഇവിടെയെത്തിയതിന് പിന്നാലെ ക്ഷേത്ര പരിസരം സ്വയം വൃത്തിയാക്കുകയും ശേഷം ദർശനം നടത്തുകയുമായിരുന്നു. ഇതിന്റെ ദൃശ്യങ്ങൾ സമൂഹമാദ്ധ്യമങ്ങളിൽ ഇതിനോടകം വൈറലായിക്കഴിഞ്ഞു.
#WATCH | Odisha: NDA's presidential candidate Draupadi Murmu sweeps the floor at Shiv temple in Rairangpur before offering prayers here. pic.twitter.com/HMc9FsVFa7
— ANI (@ANI) June 22, 2022
2000-ത്തിൽ മുർമു ആദ്യമായി എംഎൽഎയായി തിരഞ്ഞെടുക്കപ്പെട്ട മണ്ഡലത്തിലാണ് ജഗന്നാഥ ക്ഷേത്രം സ്ഥിതിചെയ്യുന്നത്. സുഹൃത്തുക്കളും കുടുംബാംഗങ്ങളുമൊത്താണ് രാവിലെ അവർ ദർശനത്തിനെത്തിയത്.
ശനിയാഴ്ചയാണ് ദ്രൗപതി മുർമു രാഷ്ട്രപതി സ്ഥാനത്തേക്ക് നാമനിർദേശ പത്രിക സമർപ്പിക്കുക. ഇതിനായി ഇന്ന് ഡൽഹിയിലേക്ക് തിരിക്കും. ഇതിനിടെ കേന്ദ്ര ആഭ്യന്തര മന്ത്രലയത്തിന്റെ നിർദേശപ്രകാരം ദ്രൗപതി മുർമുവിന് ഇസഡ് പ്ലസ് സുരക്ഷ നൽകി. ജൂലൈ 18ന് നടക്കുന്ന തിരഞ്ഞെടുപ്പിൽ വിജയിച്ചാൽ ഗോത്രവർഗ വിഭാഗത്തിൽ നിന്നുള്ള ആദ്യ രാഷ്‌ട്രപതിയും രണ്ടാമത്തെ വനിതാ രാഷ്‌ട്രപതിയുമായിരിക്കും ദ്രൗപതി മുർമു.
Comments