യുപിയിൽ മാത്രമല്ല നിയമം ലംഘിച്ചാൽ അമേരിക്കയിലും ബുൾഡോസർ നടപടി; ബൈക്കുകൾ തകർക്കുന്ന വീഡിയോ വൈറൽ

ന്യൂയോർക്ക് : നിയമവിരുദ്ധമായി ഉപയോഗിച്ച ഇരുചക്ര വാഹനങ്ങൾ ബുൾഡോസർ കയറ്റി നശിപ്പിക്കുന്ന ദൃശ്യങ്ങൾ പുറത്ത്. ന്യൂയോർക്കിലെ ബ്രൂക്ലിനിലാണ് സംഭവം. മഡ് റേസിംഗിന് ഉപയോഗിക്കുന്ന നിയമപരമല്ലാത്ത വാഹനങ്ങൾ നിരത്തിലിറക്കാൻ ഇവിടെ അനുമതിയില്ല. ഇത്തരത്തിൽ അനധികൃതമായി ഉപയോഗിച്ച് 92 ഓളം വാഹനങ്ങൾ സർക്കാർ കണ്ടുകെട്ടിയിരുന്നു.

Nearly 100 dirt bikes and all-terrain vehicles confiscated by the NYPD were bulldozed Tuesday in New York City's Brooklyn borough. Mayor Eric Adams called the vehicles, which are illegal on the city's streets, "extremely dangerous." pic.twitter.com/NgZaXk2ZkH

— CBS News (@CBSNews) June 22, 2022

തെരുവുകളിൽ ഉച്ചത്തിലുള്ളതും ഭയപ്പെടുത്തുന്നതും അപകടകരവും നിയമവിരുദ്ധവുമായി ഉപയോഗിക്കുന്ന ഡേർട്ട് ബൈക്കുകൾ ഒഴിവാക്കാൻ കഠിനമായി പ്രവർത്തിച്ചുവെന്ന് മേയർ എറിക് ആഡംസ് പറഞ്ഞു. വാഹനങ്ങളുടെ നിയമപരമായ ഉടമകളെ കണ്ടെത്താനുള്ള ശ്രമങ്ങൾ വിഫലമായതിനെ തുടർന്നാണ് ബൈക്കുകൾ നശിപ്പിച്ചത്.

ഈ വർഷം ആരംഭം മുതൽ രണ്ടായിരത്തോളം നിയമപരമല്ലാത്ത വാഹനങ്ങളാണ് അധികൃതർ പിടിച്ചെടുത്തത്. ബുൾഡോസർ കയറ്റിയാണ് ഇവ നശിപ്പിച്ചത്. ഈ വീഡിയോ ഇപ്പോൾ സമൂഹമാദ്ധ്യമങ്ങളിൽ വൈറലാവുകയാണ്.