തിരുവനന്തപുരം: ജനം ടിവിയുടെ ജനനായകൻ പുരസ്കാരം പ്രഖ്യാപിച്ചു. കേരളം ഇതുവരെ കണ്ട ഏറ്റവും മികച്ച മുഖ്യമന്ത്രി സി അച്ച്യുത മേനോനും ഒന്നാം പിണറായി മന്ത്രി സഭയിലെ ഏറ്റവും മികച്ച മന്ത്രിയായി ജി സുധാകരനും തിരഞ്ഞെടുക്കപ്പെട്ടു.
കേരളത്തിലെ ഏറ്റവും ജനകീയനായ ജനപ്രിയ രാഷ്ട്രീയ നേതാവായി കുമ്മനം രാജശേഖരനും ഏറ്റവും മികച്ച യുവജന നേതാവായി സന്ദീപ് വാചസ്പതിയും തിരഞ്ഞെടുക്കപ്പെട്ടു.
കലാ സാഹിത്യ സാംസ്കാരിക മേഖലയിലെ പുരസ്കാരങ്ങൾക്ക് ശ്രീകുമാരൻ തമ്പി, പ്രൊഫ. സി ജി രാജഗോപാൽ, പി നാരായണകുറുപ്പ് എന്നിവർ അർഹരായി.
വ്യവസായ മേഖലയിൽ നിന്ന് സോഷ്യൽ റെസ്പോൺസിബിലിറ്റി അവാർഡ് ഐ ബി ഐ എസ് ഗ്രൂപ്പ് ഓഫ് എഡ്യുകേഷണൽ ഇൻസ്റ്റിറ്റിയൂഷൻസ് ചെയർമാൻ എം രാധാകൃഷ്ണനും ലഭിച്ചു.
ജൂൺ 27 ന് തിരുവനന്തപുരത്ത് നടക്കുന്ന ചടങ്ങിൽ ഗോവ ഗവർണർ പിഎസ് ശ്രീധരൻ പിള്ള അവാർഡ് വിതരണം ചെയ്യും. കേന്ദ്ര മന്ത്രി വി മുരളീധരൻ മുഖ്യാതിഥിയായിരിക്കും. ബിജെപി സംസ്ഥാന അദ്ധ്യക്ഷൻ കെ സുരേന്ദ്രൻ, എ ജയകുമാർ, സിപിഐഎം നേതാവ് പന്ന്യൻ രവീന്ദ്രൻ, ചെറിയാൻ ഫിലിപ്പ് എന്നിവരും പങ്കെടുക്കും.
Comments