ഇടുക്കി: മുസ്ലീം ലീഗ് നേതാവ് പികെ ബഷീർ എംഎൽഎയുടെ വിവാദപരാമർശത്തിന് ജനങ്ങൾ മറുപടി നൽകുന്നുണ്ടെന്ന് മുൻമന്ത്രി എംഎം മണി എംഎൽഎ.പികെ ബഷീറിന്റെ പരമാർശം വിവരക്കേടാണെന്നും നേരിട്ട് കാണുമ്പോൾ പരാമർശത്തെ കുറിച്ച് ചോദിക്കുമെന്നും അദ്ദേഹം പ്രതികരിച്ചു.
‘അയാൾ മുസ്ലീം ലീഗല്ലേ, ലീഗിന്റെ വിവരക്കേട് അയാൾക്കുണ്ട്. ഒരിക്കൽ നിയമസഭയിൽ താനുമായി ഏറ്റുമുട്ടിയതാണ്. അന്ന് ഞാൻ പറഞ്ഞ് ഇരുത്തിയതാണ്. അതിന് ശേഷം ഇപ്പോഴാണ്” അയാൾ പറഞ്ഞ വിവരക്കേടിന് ഇപ്പോൾ മറുപടിയില്ല. സമൂഹമാദ്ധ്യമങ്ങളിൽ ഇഷ്ടം പോലെ തെറി കേട്ടുകൊണ്ടിരിക്കുകയാണ്. അത് അങ്ങനെ നടക്കട്ടെയെന്ന് അദ്ദേഹം കൂട്ടിച്ചേർത്തു.
മുസ്ലിംലീഗിന്റെ ജില്ലാ പ്രവർത്തക സംഗമത്തിലായിരുന്നു പികെ ബഷീർ എംഎൽഎ എം എം മണിക്കെതിരെ നിറത്തിന്റെ പേരിൽ അധിക്ഷേപം നടത്തിയത്. .’കറുപ്പ് കണ്ടാൽ മുഖ്യമന്ത്രിക്ക് പേടി. പർദ്ദ കണ്ടാൽ ഇയാൾക്ക് പേടി. ഇവരുടെ സംസ്ഥാന കമ്മിറ്റിക്ക് എംഎം മണി പോയാൽ എന്തായിരിക്കും സ്ഥിതി. കാരണം അയാളുടെ കണ്ണും മോറുമൊക്ക കറുപ്പല്ലേ’ എന്നായിരുന്നു പികെ ബഷീറിന്റെ അധിക്ഷേപം.
