ന്യൂഡൽഹി: രാഷ്ട്രപതി തിരഞ്ഞെടുപ്പിൽ പ്രധാനമന്ത്രി നരേന്ദ്രമോദിയുടേയും പ്രതിരോധമന്ത്രി രാജ്നാഥ് സിംഗിന്റേയും പിന്തുണ തേടി പ്രതിപക്ഷ സ്ഥാനാർത്ഥി യശ്വന്ത് സിൻഹ. എൻസിപി വൃത്തങ്ങളാണ് ഇത് സംബന്ധിച്ചുള്ള വിവരം പുറത്ത് വിട്ടത്. യശ്വന്ത് സിൻഹ പ്രചാരണം ആരംഭിച്ചുവെന്നും, തിരഞ്ഞെടുപ്പിൽ എല്ലാവരുടേയും പിന്തുണ തേടുമെന്നും ഇവർ വ്യക്തമാക്കി. പ്രധാനമന്ത്രിയുടേയും പ്രതിരോധമന്ത്രിയുടേയും ഓഫീസുകളിലേക്ക് ഫോൺ വിളിച്ചാണ് അദ്ദേഹം പിന്തുണ അഭ്യർത്ഥിച്ചത്.
തിങ്കളാഴ്ചയാണ് യശ്വന്ത് സിൻഹ നാമനിർദ്ദേശ പത്രിക സമർപ്പിക്കുന്നത്. പ്രതിപക്ഷ നേതാക്കളോടൊപ്പമായിരിക്കും പത്രിക സമർപ്പിക്കാൻ എത്തുന്നത്. ജൂലൈ 18നാണ് രാഷ്ട്രപതി തിരഞ്ഞെടുപ്പ് നടക്കുന്നത്. അതേസമയം എൻഡിഎയുടെ രാഷ്ട്രപതി സ്ഥാനാർത്ഥി ദ്രൗപദി മുർമു ഇന്നലെ നാമനിർദ്ദേശ പത്രിക സമർപ്പിച്ചു. പ്രധാനമന്ത്രി നരേന്ദ്രമോദി, പ്രതിരോധമന്ത്രി രാജ്നാഥ് സിംഗ്, ആഭ്യന്തരമന്ത്രി അമിത് ഷാ, മുതിർന്ന ബിജെപി നേതാക്കൾ തുടങ്ങിയവരോടൊപ്പമെത്തിയാണ് പത്രിക സമർപ്പിച്ചത്.
Comments