റായ്പൂർ: ഛത്തീസ്ഗഡിൽ ശിവലിംഗത്തെ അശുദ്ധമാക്കി യുവാക്കൾ. മൂന്ന് യുവാക്കളാണ് ശിവലിംഗത്തിന് മേൽ ബിയർ ഒഴിച്ചും അരികിലുരുന്ന് മദ്യപിച്ചും അശുദ്ധമാക്കിയത്. സംഭവത്തിൽ പോലീസ് കേസ് എടുത്ത് അന്വേഷണം ആരംഭിച്ചു.
നദിയുടെ കരയിൽ പ്രതിഷ്ഠിച്ച ശിവലിംഗമാണ് യുവാക്കൾ ചേർന്ന് അശുദ്ധമാക്കിയത്. മൂന്ന് യുവാക്കൾ ശിവലിംഗത്തിന് മേൽ ബിയർ ഒഴിക്കുന്നതും മദ്യപിക്കുന്നതുമായ വീഡിയോ സമൂഹമാദ്ധ്യമങ്ങളിലൂടെ പുറത്തുവന്നിരുന്നു. ഇതോടെയാണ് സംഭവം പുറത്തറിഞ്ഞത്. അതേസമയം യുവാക്കളുടെ കൂടുതൽ വിവരങ്ങൾ ലഭ്യമായിട്ടില്ല.
ഭോലേ ബാബ എന്ന ഗാനത്തോട് കൂടിയാണ് സമൂഹമാദ്ധ്യമങ്ങളിൽ ദൃശ്യങ്ങൾ പ്രചരിക്കുന്നത്. യുവാക്കളിൽ ഒരാൾ ശിവലിംഗത്തിന് മുകളിൽ മദ്യം ഒഴിക്കുന്നതും, മറ്റെയാൾ അടുത്തിരുന്ന മദ്യം കുടിക്കുന്നതും കാണാം. ഇവരുടെ സംഘത്തിലെ മൂന്നാമനാണ് ഇതിന്റെ ദൃശ്യങ്ങൾ എടുത്ത് സമൂഹമാദ്ധ്യമത്തിൽ പ്രചരിപ്പിച്ചത്.
വീഡിയോ പുറത്തുവന്നതോടെ രാജ്യത്തെ വിവിധ ഭാഗങ്ങളിലുള്ള ഹിന്ദുക്കൾ പ്രതിഷേധവുമായി രംഗത്ത് എത്തി. ശിവലിംഗം അശുദ്ധിയാക്കിയവർക്കെതിരെ ബിജെപി, ബജ്രംഗ്ദൾ പ്രവർത്തകർ ഐടി പാർക്ക് പോലീസ് സ്റ്റേഷനിൽ പരാതി നൽകിയിരുന്നു. ഇതിലാണ് കേസ് എടുത്തിരിക്കുന്നത്.
Comments