കൊല്ക്കത്ത: ഫ്രഞ്ച് സൂപ്പര് താരമായ പോള് പോഗ്ബയുടെ സഹോദരനും ഗിനിയന് സെന്റര്ബാക്കുമായ ഫ്ലോറന്റിന് പോഗ്ബയെ ടീമിലെത്തിച്ച് എടികെ മോഹന് ബഗാന്. ഐ എസ് എല്ലില് അടുത്ത സീസണില് കൊല്ക്കത്ത ക്ലബ്ബായ മോഹന്ബഗാന് വേണ്ടി ബൂട്ടണിയുമെന്ന് സ്ഥിരീകരണമുണ്ട്. പോഗ്ബയെ വിട്ടുകൊടുത്തതായി ഫ്രഞ്ച് സെക്കന്റ് ഡിവിഷന് ലീഗില് കളിക്കുന്ന സോചോക്സ് മോണ്ട്ബെല്യാര്ഡ് എഫ്സി അറിയിച്ചു. കരാര് ഒപ്പുവെയ്ക്കുന്നതിന്റെ വിശദാംശങ്ങള് മോഹന് ബഗാന് പുറത്തുവിട്ടിട്ടില്ല.
പോഗ്ബേ ഫ്രഞ്ച് ലീഗ് 2 ക്ലബ്ബായ സോചോക്സ് മോണ്ട്ബെല്യാര്ഡ് എഫ്സി ടീമിന് വേണ്ടിയാണ് കളിച്ചു കൊണ്ടിരുന്നത്. അവരുമായുള്ള കരാര് കാലാവധിയില് ഒരു വര്ഷം കൂടി ബാക്കി നില്ക്കെയാണ് ക്ലബ്ബുമായി വേര്പിരിഞ്ഞ് താരം എടികെ മോഹന് ബഗാനിലേക്ക് ചേക്കേറിയിരിക്കുന്നത്.
പോഗ്ബയെ കൂടാതെ പ്രമുഖ താരസാന്നിധ്യം ടീമിലുണ്ട്. മുന് ഏഷ്യന് ചാംപ്യന്സ് ലീഗ് ജേതാവ് ബ്രണ്ടന് ഹാമില്,ബംഗളൂരു എഫ്സിയുടെ ആഷിഖ് കുരുണ്യന്, ഹൈദരാബാദ് എഫ്സിയുടെ ആശിഷ് റായ് തുടങ്ങിയവരും ഐഎസ്എല്ലില് മോഹന് ബഗാനെ പ്രതിനിധീകരിക്കും.
നിരവധി ക്ലബ്ബുകള്ക്ക് വേണ്ടി പോഗ്ബെ കളിച്ചിട്ടുണ്ട്. സോചോക്സ് മോണ്ട്ബെല്യാര്ഡ് എഫ്സിക്ക് മുന്പ് ആറു വര്ഷക്കാലം സെന്റ് എറ്റിയനു വേണ്ടി കളിച്ചിരുന്നു. അക്കാലത്ത് ഫ്രഞ്ച് ക്ലബ്ബിലും പിന്നീട് തുര്ക്കിഷ് ക്ലബ്ബിനു വേണ്ടിയും കളിച്ചു. 31 കാരനായ ഗിനിയന് അന്താരാഷ്ട്ര താരത്തിന് ഐഎസ്എല്ലില് മികച്ച പ്രകടനം കൈവരിക്കാനാവുമെന്ന് ബഗാന്റെ ആരാധകര് കണക്ക് കൂട്ടുന്നു.
Comments