ബിജാപൂര്‍:വടക്കേ ഇന്ത്യയില്‍ വീണ്ടും കമ്മ്യൂണിസ്റ്റ് ഭീകരരുടെ അക്രമം. പോലീസിന്റെ ചാരന്‍ എന്ന് കരുതി ഗ്രാമത്തലവനെ അര്‍ദ്ധരാത്രി കൊലപ്പെടുത്തി. ബസ്തര്‍ ഡിവിഷനിലെ ബിജാപൂര്‍ ജില്ലയിലാണ് സംഭവം. രതിരം കുടിയം എന്ന 35 കാരനാണ് മരിച്ചത്.
ടോയ്‌നാര്‍ പോലീസ് സ്റ്റേഷന്‍ പരിധിയിലെ മോര്‍മെദ് ഗ്രാമത്തിലെ സര്‍പഞ്ചാണ് രതിരം. കയറു ഉപയോഗിച്ച് കെട്ടി ശരീരം കാട്ടില്‍ മറവു ചെയ്യുകയായിരുന്നെന്ന് പോലീസ് വ്യക്തമാക്കി. മൃതദേഹം പോസ്റ്റ്‌മോര്‍ട്ടത്തിന് അയച്ചെന്ന് ഐജി പി സുന്ദര്‍രാജ് അറിയിച്ചു. പ്രഥമദൃഷ്ടിയില്‍ പോലീസെന്ന് കരുതി കൊലപ്പെടുത്തിയതാവാമെന്ന് പോലീസ് വൃത്തങ്ങള്‍ പറയുന്നു. കൊലപാതകത്തിന്റെ യഥാര്‍ത്ഥ ലക്ഷ്യം പരിശോധിച്ചറിയണമെന്നും ഐജി വ്യക്തമാക്കി. ഭീകരര്‍ക്കായുള്ള തിരച്ചില്‍ ആരംഭിച്ചതായും കൂട്ടിച്ചേര്‍ത്തു.
