മലേഷ്യൻ ഓപ്പൺ ബാഡ്മിന്റൺ: പി.വി.സിന്ധുവിന്റെ രണ്ടാം റൗണ്ട് പോരാട്ടം ഇന്ന്; പി.കശ്യപും പ്രണോയിയും ഇന്നിറങ്ങും

ക്വാലാലംപൂർ: മലേഷ്യൻ ഓപ്പണിലെ ഇന്ത്യൻ താരങ്ങൾ രണ്ടാം റൗണ്ടിൽ ഇന്നിറങ്ങുന്നു. ഒളിമ്പ്യൻ പി.വി.സിന്ധു രണ്ടാം റൗണ്ടിൽ തായ്‌ലാന്റിന്റെ ഫിറ്റായപോൺ ചായ്വാനെ നേരിടുമ്പോൾ പുരുഷവിഭാഗത്തിൽ മലയാളി താരം പ്രണോയിയും കശ്യപും രണ്ടാം റൗണ്ടിനായി കളത്തിലിറങ്ങും.

ഇന്നലെ ആദ്യ റൗണ്ട് പോരാട്ടത്തിൽ 21-13,21-17നാണ് സിന്ധു തായ്‌ലാന്റിന്റെ പോൺപാവിയെ തോൽപ്പിച്ചത്. വനിതകളിൽ അതേ സമയം സൈന നിരാശപ്പെടുത്തി. അമേരിക്കൻ താരം ഐറിസ് വാംഗിനോട് സൈന 11-21,17-21നാണ് പുറത്തായത്.

പുരുഷവിഭാഗത്തിൽ പി. കശ്യപ് തെക്കൻ കൊറിയയുടെ ഹിയോ ക്വാംഗ് ഹീയെ 21-12, 21-17ന് തോൽപ്പിച്ചപ്പോൾ മലയാളി താരം എച്ച്.എസ്.പ്രണോയ് മലേഷ്യയുടെ തന്നെ താരം ഡാരേൻ ല്യൂവിനെ21-14, 17-21, 21-18നെ തോൽപ്പിച്ചാണ് ആദ്യ ജയം  പിടിച്ചെടുത്തത്.