ന്യൂഡൽഹി : വനിത ഇന്ത്യൻ ക്രിക്കറ്റ് ടീം ക്യാപ്റ്റനു പ്രധാനമന്ത്രി നരേന്ദ്ര മോദി അയച്ച കത്തിന് നന്ദി അറിയിച്ച് താരം. പ്രോത്സാഹനപരമായ കത്തിന് നന്ദിയെന്നും കത്ത് ലഭിച്ചതിൽ ആദരവും അഭിമാനവുമെന്നാണ് താരം വ്യക്തമാക്കിയത്.
രണ്ട് ട്വീറ്റുകളാണ് താരം പങ്കുവെച്ചത്. ദശലക്ഷ കണക്കിന് വരുന്ന ഇന്ത്യക്കാരുടെ ആദർശവും പ്രചോദനവുമായ അദ്ദേഹത്തിൽ നിന്നും ഇത്തരമൊരു കത്ത് ലഭിച്ചതിൽ അഭിമാനമെന്നും ഇന്ത്യൻ കായികലോകത്തെ സഹായിക്കുന്നതിൽ അദ്ദേഹം ആഗ്രഹിക്കുന്ന തരത്തിൽ തനിക്ക് ഉയരാൻ സാധിക്കുമെന്ന് പ്രതീക്ഷിക്കുന്നതായും ട്വിറ്ററിൽ വ്യക്തമാക്കിയാണ് ട്വീറ്റ് അവസാനിപ്പിച്ചത്.
ജൂൺ 8നാണ് 39 കാരിയായ താരം വിരമിക്കൽ പ്രഖ്യാപനം നടത്തിയത്. കളികളിൽ നിന്ന് വിരമിച്ചെങ്കിലും പരിശീലനത്തിൽ നിന്ന് വിരമിക്കുന്നില്ലെന്നാണ് അവർ വ്യക്തമാക്കിയത്. 1999 ൽ കായിക ജീവിതം ആരംഭിച്ച മിതാലി 232 കളികളിലായി 7,805 റൺസാണ് കരസ്ഥമാക്കിയത്. ടെസ്റ്റ് ക്രിക്കറ്റിൽ നിന്നും 699 റൺസും നേടി.
Comments