കൊച്ചി : താൻ ആത്മഹത്യയ്ക്ക് ശ്രമിച്ചു എന്ന പ്രചാരണങ്ങൾക്ക് നേരിട്ട് മറുപടി നൽകി സിനിമാ താരം നോബി മാർക്കോസ് . തനിക്കെതിരെ നടക്കുന്നത് വ്യാജ പ്രചാരണമാണ് . മരണവാർത്തയല്ല മറിച്ച് ആത്മഹത്യ ചെയ്യുന്നതിന്റെ ദൃശ്യങ്ങളാണ് ആദ്യം കണ്ടതെന്നും താരം പ്രതികരിച്ചു.
‘ വാർത്ത സമൂഹ മാദ്ധ്യമങ്ങളിൽ പ്രചരിക്കുമ്പോൾ ഭാര്യ തിരുപ്പതിയിലായിരുന്നു. സംഭവത്തക്കുറിച്ച് ഭാര്യയെ അറിയിച്ചത് സുഹൃത്തുക്കളാണ് . ഈ സമയം താൻ വിമാനത്തിലായിരുന്നു. ഭാര്യയെ ഫോൺ ചെയ്തതിന് ശേഷമാണ് വിമാനത്തിൽ കയറിയതും. വിമാനം ഇറങ്ങി ഭാര്യയെ വിളിച്ച ശേഷമാണ് വാർത്ത വ്യാജമാണെന്ന് പുറത്ത് വന്നതെന്നും ‘ അദ്ദേഹം പറഞ്ഞു.
ആത്മഹത്യയ്ക്ക് ശ്രമിച്ചു എന്ന് പറഞ്ഞു കൊണ്ട് പുറത്ത് വന്ന ദൃശ്യങ്ങൾ സിനിമാ ഷൂട്ടിംഗുമായി ബന്ധപ്പെട്ടതാണ്. ഡി കെ ദിലീപ് സംവിധാനം ചെയ്യുന്ന കുരുത്തോല പെരുന്നാൾ എന്ന ചിത്രത്തിന്റെ ഒരു ഭാഗമാണ് ഷൂട്ടിംഗ് നടക്കവേ ആരോ മൊബൈലിൽ പകർത്തി പുറത്ത് വിട്ടത്. അതേസമയം സംഭവവുമായി ബന്ധപ്പെട്ട് സൈബർ സെല്ലിനെ സമീപിച്ചിട്ടുണ്ടെന്ന് ചിത്രത്തിന്റെ സംവിധായകൻ വ്യക്തമാക്കി.
സമൂഹ മാദ്ധ്യമത്തിൽ പല പ്രശസ്ത വ്യക്തികളേയും ഇത്തരത്തിൽ കൊല്ലാതെ കൊന്നിട്ടുണ്ട്. അതിന്റെ മറ്റൊരു ഇരയാണ് നോബി മാർക്കോസ്.
Comments