ന്യൂഡൽഹി: ഒളിമ്പ്യൻ പി ടി ഉഷയെ രാജ്യസഭയിലേക്ക് നാമനിർദ്ദേശം ചെയ്തു. ബിജെപിയാണ് പി ടി ഉഷയെ രാജ്യസഭയിലേക്ക് നാമനിർദ്ദേശം ചെയ്തത്. നാമനിർദ്ദേശം ചെയ്യപ്പെട്ട അംഗമായി പി ടി ഉഷ രാജ്യസഭയിൽ സത്യപ്രതിജ്ഞ ചെയ്യും. പി ടി ഉഷ എല്ലാ ഇന്ത്യക്കാർക്കും പ്രചോദനമാണെന്ന് പ്രധാനമന്ത്രി നരേന്ദ്ര മോദി പറഞ്ഞു. പി ടി ഉഷയ്‌ക്കൊപ്പമുള്ള ചിത്രത്തോടൊപ്പമാണ് പ്രധാനമന്ത്രി അഭിനന്ദനം അറിയിച്ചിരിക്കുന്നത്.
ബഹുമാന്യയായ പി ടി ഉഷ ഓരോ ഇന്ത്യക്കാരനും പ്രചോദനമാണ്. കായിക രംഗത്തെ അവരുടെ സംഭാവനകൾ എല്ലാവർക്കും അറിവുള്ളതാണ്. മാത്രമല്ല, യുവ അത്ലറ്റുകളെ സംഭാവന ചെയ്യാൻ കഴിഞ്ഞ വർഷങ്ങളിൽ അവർ നടത്തുന്ന പ്രയത്നങ്ങളും തുല്യ പ്രാധാന്യം അർഹിക്കുന്നതാണ്. രാജ്യസഭയിലേക്ക് നാമനിർദ്ദേശം ചെയ്യപ്പെട്ടതിൽ അഭിനന്ദനങ്ങൾ. പ്രധാനമന്ത്രി ട്വീറ്റ് ചെയ്തു.
The remarkable PT Usha Ji is an inspiration for every Indian. Her accomplishments in sports are widely known but equally commendable is her work to mentor budding athletes over the last several years. Congratulations to her on being nominated to the Rajya Sabha. @PTUshaOfficial pic.twitter.com/uHkXu52Bgc
— Narendra Modi (@narendramodi) July 6, 2022
പി ടി ഉഷയ്‌ക്കൊപ്പം സംഗീത സംവിധായകൻ ഇളയരാജ, തിരക്കഥാകൃത്തും സംവിധായകനുമായ വി വിജയേന്ദ്ര പ്രസാദ്, ധർമസ്ഥല ക്ഷേത്രത്തിന്റെ നടത്തിപ്പുകാരനും സാമൂഹിക പ്രവർത്തകനുമായ വീരേന്ദ്ര ഹെഗാഡെ എന്നിവരെയും രാജ്യസഭയിലേക്ക് നാമനിർദ്ദേശം ചെയ്തു.
Comments