കാലവർഷം ശക്തി പ്രാപിക്കുകയാണ് . അതിനാൽ തന്നെ മഴക്കാലത്ത് എന്ത് ധരിക്കും എന്നത് ഏവരുടെയും ആശങ്കയാണ് . എന്തും ധരിക്കുമ്പോൾ ട്രെന്റി ലുക്ക് ഉണ്ടാകണം എന്ന് ആഗ്രഹിക്കുന്നവർക്കാണ് ഇക്കാര്യത്തിൽ ആശങ്ക കൂടുതൽ. ഇനി ഈ ആശങ്കവേണ്ട. ഇനി പറയുന്ന കാര്യങ്ങൾ ശ്രദ്ധിച്ചാൽ മഴക്കാലത്തും നിങ്ങൾ ആഗ്രഹിക്കുന്ന ട്രെന്റി ലുക്ക് സ്വന്തമാക്കാവുന്നതെ ഉള്ളു.
1 നീളം കൂടിയ വസ്ത്രങ്ങൾ ഒഴിവാക്കാം
നീളം കൂടിയ വസ്ത്രങ്ങൾ മഴക്കാലത്ത് ഒഴിവാക്കുന്നതാണ് നല്ലത്. വസ്ത്രങ്ങളിൽ ചെളിപിടിക്കുന്നതിനുള്ള സാധ്യത ഒഴിവക്കാനാണ് ഇത്.
വെള്ള പോലുള്ള ലൈറ്റ് വർണ്ണത്തിലുള്ള പാന്റ്സ് ഈ സമയം ഉപയോഗിക്കാതിരിക്കുന്നതാണ് നല്ലത്.
2 ലൈറ്റ് ആന്റ് ലൂസ് ടോപ്സ് തിരഞ്ഞെടുക്കാം
ലൂസ് ടോപ്പ് ധരിക്കാൻ് ശ്രദ്ധിക്കുക. ഇത്തരം വസ്ത്രങ്ങൾ നനഞ്ഞാലും നമ്മളുടെ ശരീരത്തിന് ഇറിറ്റേഷൻ ഉണ്ടാക്കാത്ത വിധത്തിൽ നിൽക്കും. പെട്ടെന്ന് ഉണങ്ങികിട്ടുവാനും ഇതാണ് ഏറ്റവും നല്ല മാർഗ്ഗം.
3 നിറങ്ങൾ തിരഞ്ഞെടുക്കുമ്പോൾ ശ്രദ്ധിക്കാം
ഡാർക്ക് ഷേയ്ഡാണ് ലൈറ്റ് ഷേയ്ഡിനേക്കാൾ എന്തുകൊണ്ടും ഭംഗി. മഴക്കാലത്ത് നമ്മൾ നനയാനും അതുപോലെ, വസ്ത്രങ്ങളിൽ ചെളിയാകുവാനുമുള്ള സാധ്യതകൾ കൂടുതലാണ്. അതുകൊണ്ട് ഡാർക്ക് ഷേയ്ഡ് തിരഞ്ഞെടുക്കുക. ബ്ലാക്ക് , ഡാർക്ക് ബ്രൗൺ, ബ്ലൂ, എന്നിവയെല്ലാം ഉപയോഗിക്കാവുന്നതാണ്.
4 ഷോർട്സ് ആന്റ് കാപ്രീസ്
മഴക്കാലത്ത് ഷോർട്സ്, കാപ്രീസ്, അല്ലെങ്കിൽ ഷോർട് സ്‌കേർട്സ് എന്നിവ ഉപയോഗിക്കുന്നതാണ് ഏറ്റവും നല്ല മാർഗ്ഗം. പെട്ടെന്ന് നനയാതെ സംരക്ഷിക്കുന്നതിനും അതുപോലെ, പെട്ടെന്ന് ഉണങ്ങുവാനെല്ലാം ഇത് സഹായിക്കും.
5. ഷൂ ഒഴിവാക്കാം
മഴക്കാലത്ത് എയർ സർക്കുലേഷൻ ഉള്ള ചെരിപ്പുകൾ ധരിക്കുന്നതാണ് നല്ലത്. മഴക്കാലത്ത് പാദസംരക്ഷണം ഉറപ്പാക്കുവാനും ഇത് നല്ലതാണ്. ഷൂ ഉപയോഗിച്ചാൽ ദുർഗദ്ദം ഉൾപ്പെടെ ഉണ്ടാവാനുള്ള സാധ്യത കൂടുതലാണ് .
6 കാലാവസ്ഥയോട് ചേരുന്ന ആഭരണങ്ങൾ തിരഞ്ഞെടുക്കാം
സിംപിൾ ലുക്കാണ് മഴക്കാലത്ത് നല്ലത്. ഹെവിയായി ഉള്ള ആഭരണങ്ങൾ ധരിച്ചാൽ ഇത് ചില സാഹചര്യങ്ങളിൽ ബുദ്ധിമുട്ട് സൃഷ്ടിച്ചേക്കാം.അതിനാൽ ലെെറ്റ് വെയ്റ്റ് ആഭരണങ്ങൾ തിരഞ്ഞെടുത്ത് ധരിക്കുവാൻ ശ്രദ്ധിക്കാവുന്നതാണ്.
7 ബാഗുകൾ തിരഞ്ഞെടുക്കാം
മഴക്കാലത്ത് പൊതുവേ ട്രാൻസ്പരന്റ് ബാഗുകൾ, വിനൈൽ ഹാന്റ്ബാഗ്, കാൻവാസ് എന്നിവ പോലുള്ള ബാഗുകൾ ഉപയോഗിക്കുന്നതാണ് നല്ലത്. ഒതുങ്ങികിടക്കുന്ന ബാഗുകൾ ഉപയോഗിക്കാൻ ശ്രദ്ധിക്കുക.
Comments