ക്വലാലംപൂർ:മലേഷ്യൻ മാസ്റ്റേഴ്സ് ബാഡ്മിന്റണിൽ ഇന്ത്യൻ മുന്നേറ്റം. ഒളിമ്പ്യൻ പി.വി.സിന്ധുവും മലയാളി താരം എച്ച്.എസ്. പ്രണോയിയും ക്വാർട്ടറിൽ കടന്നു. മറ്റ് മത്സരങ്ങളിൽ സായ് പ്രണീതും പി.കശ്യപും പുറത്തായി.
ലോക ഏഴാം നമ്പറും രണ്ടു തവണ ഒളിമ്പിക്സ് മെഡൽ ജേതാവുമായ സിന്ധു ചൈനയുടെ സാംഗ് യീ മാനിനെയാണ് തോൽപ്പിച്ചത്. 21-12, 21-10 എന്ന നിലയിലിൽ 28 മിനിറ്റിനുള്ളിൽ സിന്ധു അതിവേഗമാണ് വിജയം സ്വന്തമാക്കിയത്.
മലയാളി താരം എച്ച്.എസ് പ്രണോയിയും ക്വാർട്ടറിലേയ്ക്ക് മുന്നേറി. തായ്വാൻസ് വാംഗ് സൂ വീയെ 21-19, 21-16 എന്ന നിലയിലാണ് പ്രണോയ് തോൽപ്പിച്ചത്. മറ്റ് മത്സരങ്ങളിൽ സായ് പ്രണീത് ചൈനീസ് താരം ലീ ഷിഫെംഗിനോട് 21-14, 21-17ന് തോറ്റു. പുരുഷ വിഭാഗത്തിലെ രണ്ടാം മത്സരത്തിൽ പി.കശ്യപ് ഇന്തോനേഷ്യയുടെ ആന്റണി സിനിസുകയോട് 21-10, 21-15 പരാജയപ്പെട്ടു.
Comments