ന്യൂഡൽഹി: പ്രധാനമന്ത്രി നരേന്ദ്രമോദി ഇന്ന് ‘അരുൺ ജെയ്റ്റ്ലി മെമ്മോറിയൽ ലെക്ച്വർ’ യോഗത്തിൽ പങ്കെടുക്കും. വിഗ്യാൻ ഭവനിൽ വെള്ളിയാഴ്ച വൈകിട്ട് 6.30നാണ് ചടങ്ങ് നടക്കുക.
സാമ്പത്തികകാര്യ മന്ത്രാലയവും ധനമന്ത്രാലയവും സംയോജിച്ചാണ് അരുൺ ജെയ്റ്റ്ലി മെമ്മോറിയൽ ലെക്ച്വറിന് തുടക്കമിട്ടത്. മുൻ കേന്ദ്രമന്ത്രി അരുൺ ജെയ്റ്റ്ലി രാഷ്ട്രത്തിന് നൽകിയ വിലമതിക്കാനാകാത്ത സംഭാവനകളെ അടിസ്ഥാനമാക്കിയാണ് ചടങ്ങ് സംഘടിപ്പിക്കുന്നത്.
ലെക്ച്വറിന് ശേഷം കൗടില്യ ഇക്കണോമിക് കോൺക്ലേവിൽ പങ്കെടുക്കുന്ന പ്രതിനിധി സംഘവുമായും പ്രധാനമന്ത്രി ആശയവിനിമനയം നടത്തും. ജൂലൈ എട്ട് മുതൽ പത്ത് വരെയാണ് കൗടില്യ ഇക്കണോമിക് കോൺക്ലേവ് നടക്കുന്നത്. ജോൺ ഹോപ്പ്കിൻസ് യൂണിവേഴ്സിറ്റി, ലണ്ടൻ സ്കൂൾ ഓഫ് ഇക്കണോമിക്സ്, ഹാർവാർഡ് കെന്നഡി സ്കൂൾ, ഐഎംഎഫ്, ലോകബാങ്ക് എന്നിവയിൽ നിന്നുള്ള പ്രതിനിധികളാണ് കോൺക്ലേവിൽ പങ്കെടുക്കുന്നത്.
Comments