ന്യൂഡൽഹി; മികച്ച ഫോമിലുള്ള യുവതാരങ്ങളെ ഒരു കാരണവുമില്ലാതെ മാറ്റുന്നതി നെതിരെ വിമർശനവുമായി മുൻ നായകൻ കപിൽ ദേവ് രംഗത്ത്. ഇംഗ്ലണ്ട് പരമ്പരയിൽ കോഹ്ലിയെ കളിപ്പിച്ചതിനെതിരെ രൂക്ഷ വിമർശനവുമായിട്ടാണ് കപിൽദേവ് രംഗത്ത് എത്തിയത്. ടെസ്റ്റിൽ നിന്ന് അശ്വിനെ മാറ്റിനിർത്തിയ മുൻകാല അനുഭവം എടുത്തു പറഞ്ഞാണ് താരത്തിന്റെ വിമർശനം. യുവ താരങ്ങളെ പരമ്പരകളിൽ തോന്നിയപോലെ മാറ്റിപരീക്ഷിക്കുന്നത് ആത്മവിശ്വാസം തകർക്കുമെന്നും കപിൽ മുന്നറിയിപ്പ് നൽകി.
കോഹ്ലിയുടെ ഫോം തീർത്തും മങ്ങിയിരിക്കുന്നു എന്നറിഞ്ഞിട്ടും കളിപ്പിച്ചതിനെ തിരെയാണ് കപിൽ രൂക്ഷമായി പ്രതികരിച്ചത്. മുതിർന്ന താരമാണോ എന്നതല്ല ഫോമിലാണോ എന്നതാണ് നോക്കേണ്ടതെന്നും ടെസ്റ്റിൽ നിന്നും അശ്വിനെ പുറത്തിരുത്തിയ ഉദാഹരണം ചൂണ്ടിക്കാട്ടി കപിൽ പറഞ്ഞു. ആഗോള റാങ്കിംഗിൽ രണ്ടാം സ്ഥാനത്തുള്ള പ്പോഴാണ് അശ്വിനെ പുറത്തിരുത്താൻ തീരുമാനിച്ചത്. അത് പ്രകാരം ഒന്നാം നമ്പറായാലും കോഹ്ലിയേയും പുറത്തിരുത്താം. നിലവിലെ ബാറ്റിംഗ് തീർത്തും അന്താരാഷ്‌ട്ര നിലവാര ത്തിലുള്ളതല്ല. അത് തിരിച്ചറിഞ്ഞ് ടീമിന് ഗുണമുള്ള തീരുമാനം എടുക്കണ മെന്നും കപിൽ ദേവ് പറഞ്ഞു.
യുവതാരങ്ങളെല്ലാം മികച്ച ഫോമിലാണ്. അവരെ തുടർച്ചയായി കളിപ്പിക്കുമ്പോഴാണ് അവർക്ക് ആത്മവിശ്വാസം ലഭിക്കുന്നത്. ടീമിലിടം നേടാനുള്ള മത്സരം നല്ലതാണ്. അവരുടെ മികവായിരിക്കണം മുതിർന്ന താരങ്ങളെ പുറത്തിരുത്താൻ കാരണമാകേണ്ടത്. അത് കായിക രംഗത്തെ നിയമമാണ്. കരുത്തരാണ് മുന്നോട്ട് വരേണ്ടത്. പകരം ഒഴിവാക്കി എന്നത് പറയാതെ വിശ്രമം എന്നൊക്കെ പറയുന്നതിന്റെ അർത്ഥം എല്ലാവർക്കും മനസ്സിലാകുമെന്നും കപിൽ പറഞ്ഞു.
