ലണ്ടൻ: വിംബിൾഡൺ കിരീടം നൊവാക് ജോക്കോവിച്ചിന്. ഓസ്ട്രേലിയൻ താരം കിർഗിയോസിനെ ഒന്നിനെതിരെ മൂന്ന് സെറ്റുകൾക്കാണ് ജോക്കോവിച്ച് തോൽപ്പിച്ചത്. സ്കോർ 4-6, 6-3, 6-4, 7-6. മുൻപ് രണ്ടു തവണ ഏറ്റുമുട്ടിയപ്പോഴും ഹാർഡ് കോർട്ടിൽ ജയിച്ച കിർഗിയോസിന് ഗ്രാസ്കോർട്ടിലെ സെർബിയൻ താരത്തിന്റെ മികവിനെ മറികടക്കാ നായില്ല.
തുടർച്ചായയ 28 മത്സരങ്ങൾ വിംബിൾഡണിൽ ജയിച്ചുകൊണ്ടാണ് ജോക്കോവിച്ച് കിരീടം ചൂടിയത്. ഇതോടെ 21 ഗ്ലാൻഡ് സ്ലാം കിരീടങ്ങൾ സ്വന്തമാക്കി ജോക്കോവിച്ച് ഇതിഹാസ താരം റോജർ ഫെഡററുടെ നേട്ടവും മറികടന്നു. ഇനി മുന്നിലുള്ളത് 22 കിരീടം നേടിയ റഫേൽ നദാൽ മാത്രം.
