ന്യൂഡൽഹി: എൻഡിഎയുടെ ഉപരാഷ്‌ട്രപതി സ്ഥാനാർത്ഥിയായി പ്രഖ്യാപിക്കപ്പെട്ട ജഗദീപ് ധൻകറിന് ആശംസകൾ നേർന്ന് പ്രധാനമന്ത്രി നരേന്ദ്ര മോദി. കർഷക പുത്രനാണ് ജഗദീപ് ധൻകർ. വിനയമാണ് അദ്ദേഹത്തിന്റെ മുഖമുദ്രയെന്ന് പ്രധാനമന്ത്രി പറഞ്ഞു.
നിയമ രംഗത്തും ഭരണനിർവ്വഹണ രംഗത്തും ഗവർണർ എന്ന നിലയിലും മികച്ച സേവനം കാഴ്ചവെച്ച വ്യക്തിയാണ് അദ്ദേഹം. കർഷകരുടെയും യുവാക്കളുടെയും സ്ത്രീകളുടെയും പാർശ്വവത്കരിക്കപ്പെട്ടവരുടെയും ഉന്നമനത്തിന് വേണ്ടി പ്രയത്നിച്ച വ്യക്തിയാണ് അദ്ദേഹം. അദ്ദേഹത്തെ ഉപരാഷ്‌ട്രപതി സ്ഥാനാർത്ഥിയായി പ്രഖ്യാപിക്കാൻ കഴിഞ്ഞതിൽ അഭിമാനവും സന്തോഷവും ഉണ്ടെന്ന് പ്രധാനമന്ത്രി വ്യക്തമാക്കി.
ഭരണഘടനയെ കുറിച്ച് അഗാധമായ പരിജ്ഞാനം ഉള്ള വ്യക്തിയാണ് ജഗദീപ് ധൻകർ. ഭരണ നിർവ്വഹണവുമായി ബന്ധപ്പെട്ട മേഖലയിൽ മികച്ച അനുഭവസമ്പത്തുള്ള വ്യക്തിയാണ് അദ്ദേഹം. രാജ്യപുരോഗതി ലക്ഷ്യമിട്ട് രാജ്യസഭയെ ഏറ്റവും നല്ല രീതിയിൽ നയിക്കാൻ അദ്ദേഹത്തിന് കഴിയും എന്ന് ഉറപ്പുണ്ട്. പ്രധാനമന്ത്രി ട്വീറ്റ് ചെയ്തു.
Shri Jagdeep Dhankhar Ji has excellent knowledge of our Constitution. He is also well-versed with legislative affairs. I am sure that he will be an outstanding Chair in the Rajya Sabha & guide the proceedings of the House with the aim of furthering national progress. @jdhankhar1 pic.twitter.com/Ibfsp1fgDt
— Narendra Modi (@narendramodi) July 16, 2022
