അമേരിക്കൻ ബഹിരാകാശ ഏജൻസിയായ നാസ സമൂഹമാദ്ധ്യമങ്ങളിൽ പലപ്പോഴും അതിശയകരമായ ചിത്രങ്ങൾ പങ്കു വയ്ക്കാറുണ്ട്. അടുത്തിടെ നാസയുടെ ഇൻസ്റ്റഗ്രാം പേജിൽ അവർ പങ്കുവച്ച ചിത്രമാണ് ഏവരേയും അമ്പരപ്പിക്കുന്നത്. മഴവില്ല് പോലെ വ്യത്യസ്തമായ നിറങ്ങളിലുള്ള ഗ്രഹത്തിന്റെ ചിത്രമാണിത്. വൃത്താകൃതിയിൽ കാണപ്പെടുന്ന ഈ ഗ്രഹം പ്ലൂട്ടോയാണ്. ഇതിലുടനീളമായി ചിന്നിച്ചിതറി കിടക്കുന്ന പല നിറങ്ങളാണ് കൗതുകം വർധിപ്പിക്കുന്നത്.
ഈ മഴവില്ല് എവിടെയാണ് അവസാനിക്കുന്നതെന്ന കുറിപ്പോടെയാണ് നാസ ഈ ചിത്രം പങ്കുവച്ചിരിക്കുന്നത്. യഥാർത്ഥത്തിൽ ഈ ഗ്രഹത്തിലെ വ്യത്യസ്ത പ്രദേശങ്ങൾ തമ്മിലുള്ള വർണ്ണ വ്യത്യാസമാണ് ഇതിലൂടെ മനസിലാക്കാൻ സാധിക്കുന്നത്. പ്ലൂട്ടോയുടെ ഉപരിതലങ്ങൾ വ്യത്യസ്തമാണ്. യൂറോപ്പിലേത് പോലെയുള്ള പർവ്വതനിരകൾ, താഴ്വരകൾ, പഴയതും പുതിയതുമായ മഞ്ഞു മൂടിയ സമതലങ്ങൾ, മൺകൂനകൾ, വ്യത്യസ്തമായ ഭൂപ്രദേശങ്ങൾ എന്നിവ പ്ലൂട്ടോയിലുണ്ട്.
2006 ജനുവരി 19ന് വിക്ഷേപിച്ച ന്യൂ ഹൊറൈസൺസ് എന്ന ബഹിരാകാശപേടകമാണ് ഈ ചിത്രം പകർത്തിയത്. ചിത്രം പുറത്ത് നിമിഷങ്ങൾക്കുള്ളിൽ തന്നെ സമൂഹമാദ്ധ്യമങ്ങളിൽ വൈറലായി. അതേസമയം 2019ൽ ഇന്റർനാഷണൽ ആസ്ട്രോണമിക്കൽ യൂണിയൻ പ്ലൂട്ടോയെ കുള്ളൻ ഗ്രഹമെന്ന വിഭാഗത്തിലേക്ക് തരംതാഴ്ത്തി. പൂർണ്ണ ഗ്രഹത്തിന്റെ വിഭാഗത്തിൽ പെടാനുള്ള എല്ലാ പ്രത്യേകതകളും പ്ലൂട്ടോയ്ക്കില്ലെന്ന് കാണിച്ചായിരുന്നു നീക്കം.
Comments