ന്യൂഡൽഹി: യൂണിയൻ പബ്ലിക് സർവീസ് കമ്മീഷൻ (യുപിഎസ്സി), സ്റ്റാഫ് സെലക്ഷൻ കമ്മീഷൻ (എസ്എസ്സി), ഇൻസ്റ്റ്യൂട്ട് ഓഫ് ബാങ്കിംഗ് പേഴ്സണൽ സെലക്ഷൻ (ഐബിപിഎസ്)സ എന്നീ പരീക്ഷകളിലൂടെ 1,59,615 ഉദ്യോഗാർത്ഥികളെ തിരഞ്ഞെടുത്തതായി കേന്ദ്ര മന്ത്രി ജിതേന്ദ്ര സിംഗ് അറിയിച്ചു. 2020-21 ലെ കണക്കുകൾ പ്രകാരം തിരഞ്ഞെടുത്തവരിൽ 8,913 പേരെ യുപിഎസ്സി വഴിയും 97,914 പേരെ എസ്എസ്സി വഴിയും 52,788 പേരെ ഐബിപിഎസ് വഴിയുമാണ് തിരഞ്ഞെടുത്തത്. ആകെ 96,601 പേരെ 2020-2021 കാലാഘട്ടത്തിൽ നിയമിച്ചു. 2021-22 ൽ 63,014 പേരെയും നിയമിച്ചു.
കേന്ദ്ര സർക്കാരിന്റെ നിയമനങ്ങൾ തുടർച്ചയായും കൃത്യമായും നടക്കുന്ന പ്രവർത്തനമാണെന്നും മഹാമാരി സമയത്തും നിയമനങ്ങൾ നടന്നിരുന്നതായും മന്ത്രി വ്യക്തമാക്കി. കോവിഡ് മാനദണ്ഡങ്ങൾ പാലിച്ച് പരീക്ഷ നടപടികൾ കൃത്യമായി നടത്തിയിരുന്നു.
സിവിൽ സർവീസ് പരീക്ഷയിൽ പ്രായത്തിൽ ഇളവുകൾ സംബന്ധിച്ച വിഷയത്തിൽ സുപ്രീം കോടതിയെ സമീപിച്ചിരുന്നു. എന്നാൽ നിലവിലെ വ്യവസ്ഥകളിൽ മാറ്റം അനിവാര്യമല്ലെന്ന് വിദഗ്ദ്ധ സമിതി കണ്ടെത്തിയിരുന്നു. ജനുവരി ഒന്നിന്റെ അടിസ്ഥാനത്തിലാകും പ്രായം നിശ്ചയിക്കുകയെന്ന് എസ്എസ്സി അറിയിച്ചിട്ടുണ്ട്. നേരത്തെ ഇത് ജനുവരി ഒന്നും ഓഗസ്റ്റ് ഒന്നും ആയിരുന്നു. ബാങ്കിഗ് മേഖലയിൽ പ്രതിവർഷവും നിയമനങ്ങൾ നടക്കുന്നതിനാൽ വയസ്സ് ഇളവ് നൽകാൻ കഴിയില്ലെന്നും വ്യക്തമാക്കി.
Comments