ചൊവ്വയിൽ നിന്നെടുത്ത ഭൂമിയുടെ ചിത്രം; നാസ പകര്‍ത്തിയ അത്ഭുത ദൃശ്യം റീട്വീറ്റ് ചെയ്ത് ആനന്ദ് മഹീന്ദ്ര

മഹീന്ദ്ര ഗ്രൂപ്പ് ചെയർമാൻ ആനന്ദ് മഹീന്ദ്ര ട്വിറ്ററിൽ പങ്കുവച്ച ഒരു ചിത്രമാണ് സമൂഹമാദ്ധ്യമങ്ങളിൽ തരംഗമാകുന്നത്. ചൊവ്വയിൽ നിന്നും എടുത്ത ഭൂമിയുടെ ചിത്രമാണിത്. ക്യൂരിയോസിറ്റി എന്ന പേജിൽ വന്ന ചിത്രം കഴിഞ്ഞ ദിവസമാണ് ആനന്ദ് മഹീന്ദ്ര റീട്വീറ്റ് ചെയ്തത്. മനോഹരമായ അടിക്കുറിപ്പോടെയാണ് അദ്ദേഹം ചിത്രം പങ്കുവച്ചിരിക്കുന്നത്.

ക്യൂരിയോസിറ്റി പേജിൽ പറയുന്നതിങ്ങനെ ‘ അത്ഭുതപ്പെടുത്തുന്ന ഈ ചിത്രം യഥാർത്ഥത്തിൽ എടുത്തത് ചൊവ്വയിൽ നിന്നാണ്. ചൊവ്വ ഗ്രഹത്തിൽ നിന്നും ചെറിയ വെളുത്ത പൊട്ട് പോലെ കാണുന്നത് നമ്മുടെ പ്രിയപ്പെട്ട ഭൂമിയാണ്’ എന്നും പറയുന്നു. ഈ ചിത്രം നമ്മളെ പഠിപ്പിക്കുന്നത് ഒരേ ഒരു കാര്യമാണ്. അത് വിനയത്തെക്കുറിച്ചാണ് എന്ന കുറിപ്പോടെയാണ് ആനന്ദ് മഹീന്ദ്ര ഇത് റീട്വീറ്റ് ചെയ്തിരിക്കുന്നത്.

If there’s just one thing this photo should teach us….it’s humility.. https://t.co/S2WN9thBBd

— anand mahindra (@anandmahindra) July 21, 2022

ചിത്രത്തിന് മനോഹരമായ നിരവധി കമന്റുകളാണ് ലഭിക്കുന്നത്. ഭാവിതലമുറയ്‌ക്ക് സെൽഫി എടുക്കാനുള്ള സ്ഥലമെന്നാണ് ഒരാൾ പറയുന്നത്. നമ്മൾ ഈ പ്രപഞ്ചത്തിലെ വെറും നിസാരക്കാരാണെന്നാണ് മറ്റൊരാൾ പറയുന്നത്.