തൃശൂർ: തൃശൂർ റെയിൽവേ സ്റ്റേഷനിൽ കൈ ഞരമ്പ് മുറിച്ച് 19 കാരന്റെ ആത്മഹത്യാ ശ്രമം. കോഴിക്കോട് താമരശ്ശേരി സ്വദേശി കുന്നത്ത് വീട്ടിൽ നാഫിയാണ് ആത്മഹത്യയ്ക്ക് ശ്രമിച്ചത്. പ്രണയ നൈരാശ്യമാണ് ആത്മഹത്യാ ശ്രമത്തിന് പിന്നിൽ എന്നാണ് സൂചന.
രാവിലെയോടെയായിരുന്നു സംഭവം. രാവിലെ 9.30നുള്ള ഏറനാട് എക്സ്പ്രസിൽ കോഴിക്കോട്ട് പോകാനായി റെയിൽവേ സ്റ്റേഷനിൽ എത്തിയതായിരുന്നു നാഫി. ഇതിനിടെ നാഫിയെ കാണാതെ ആകുകയായിരുന്നു. പിന്നീട് കൈ ഞരമ്പ് മുറിച്ച നിലയിലാണ് യുവാവിനെ കണ്ടെത്തിയത്.
റെയിൽവേ സ്റ്റേഷനിലെ ശുചി മുറിയിലായിരുന്നു നാഫി ആത്മഹത്യയ്ക്ക് ശ്രമിച്ചത്. രക്തം വാർന്ന നിലയിൽ സഹയാത്രികരാണ് യുവാവിനെ ആദ്യം കണ്ടത്. ഉടനെ വിവരം വിവരം പോലീസിനെ അറിയിക്കുകയായിരുന്നു. പോലീസ് എത്തിയാണ് നാഫിയെ ആശുപത്രിയിൽ എത്തിച്ചത്.
കാമുകിയെ ഭയപ്പെടുത്താൻ വേണ്ടിയാണ് ഞരമ്പ് മുറിച്ചതെന്ന് നാഫി പോലീസിനോട് പറഞ്ഞു. യുവാവിന്റെ പരിക്കുകൾ ഗൗരവമുള്ളതല്ല. അതിനാൽ പ്രാഥമിക ചികിത്സ നൽകിയ ശേഷം നാഫിയെ മറ്റൊരു തീവണ്ടിയിൽ കോഴിക്കോട്ടേക്ക് വിട്ടു.
