സുരേഷ്ഗോപിയുടെ രാഷ്ട്രീയം മനുഷ്യത്വമാണെന്ന് നടനും മിമിക്രി കലാകാരനുമായ വിജയ കൃഷ്ണൻ. റിയൽ സൂപ്പർ സ്റ്റാറും റിയൽ സൂപ്പർ മാനുമാണ് സുരേഷ്ഗോപി. അദ്ദേഹത്തെ നേരിട്ട് കണ്ടപ്പോൾ ഭരത്ചന്ദ്രനും, മാധവനും, നകുലനും, ഡെന്നിസുമൊക്കെ പെട്ടെന്ന് മനസ്സിൽ വന്നുവെന്ന് വിജയ കൃഷ്ണൻ പറയുന്നു.
ഒരു നടനെന്ന നിലയിലും മനുഷ്യനെന്ന നിലയിലും സുരേഷ്ഗോപിയെ തനിക്ക് ഒരുപാട് ഇഷ്ടമാണെന്ന് അദ്ദേഹം ഫേയ്സ്ബുക്കിൽ കുറിച്ചു. സ്വന്തം രാഷ്ട്രീയത്തിന്റെ പേരിൽ ഏറെ പഴികേട്ട ഒരാളാണ് സുരേഷ്ഗോപി. എന്നാൽ അദ്ദേഹം ചെയ്യുന്നതെല്ലാം മനുഷ്യത്വമെന്ന രാഷ്ട്രീയത്തെ മുൻനിർത്തിയാണ്. ഒരുപാട് ആളുകൾക്ക് സുരേഷ്ഗോപി സന്തോഷങ്ങൾ നൽകി.
താനും കൂടി അംഗമായ ‘മാ’ എന്ന സംഘടനയ്ക്ക് സുരേഷ്ഗോപി ഒരുപാട് സഹായങ്ങൾ നൽകുന്നുണ്ട്. ഇനിയും അദ്ദേഹത്തിന് പ്രവർത്തനങ്ങൾ ചെയ്യാൻ കഴിയട്ടെ എന്ന് വിജയ കൃഷ്ണൻ പറഞ്ഞു. പ്രകാശൻ പറക്കട്ടെ, ഹൃദയം എന്നീ ചിത്രങ്ങളിലൂടെ ശ്രദ്ധേയനായ നടനാണ് വിജയ കൃഷ്ണൻ.
Comments