”നാൻ ഉങ്കളുടെ പെരിയ ഫാൻ”; നഞ്ചിയമ്മയുമായുള്ള കൂടിക്കാഴ്ചയുടെ ഓർമ്മകൾ പങ്കുവെച്ച് അണ്ണാമലൈ

ദേശീയ പുരസ്‌കാരം നേടിയ നഞ്ചിയമ്മയാണ് ഇപ്പോൾ താരം. പുരസ്കാര ജേതാവിന് അഭിനന്ദന പ്രവാഹമൊഴുകുമ്പോൾ നഞ്ചിയമ്മയുമായുള്ള പഴയ കൂടിക്കാഴ്ചയുടെ ദൃശ്യങ്ങൾ പങ്കുവെച്ചിരിക്കുകയാണ് തമിഴ്നാട് ബിജെപി അദ്ധ്യക്ഷൻ കെ. അണ്ണാമലൈ.

ഒരിക്കൽ അട്ടപ്പാടി സന്ദർശിക്കവെ നഞ്ചിയമ്മയുടെ വീട്ടിലെത്തുകയും താനൊരു ആരാധകരാണെന്ന് നഞ്ചിയമ്മയെ അറിയിക്കുകയും ചെയ്യുന്ന വീഡിയോയാണ് ഇപ്പോൾ അണ്ണാമലൈ പങ്കുവെച്ചിരിക്കുന്നത്. ദശലക്ഷക്കണക്കിന് ആരാധകരെ വിസ്മയിപ്പിച്ച ശബ്ദത്തിനുടമയും ഇരുള സമുദായത്തിന്റെ അഭിമാനവുമായ നഞ്ചിയമ്മയെ കാണാൻ കഴിഞ്ഞതിൽ അതിയായ സന്തോഷമുണ്ടെന്ന് അണ്ണാമലൈ ട്വിറ്ററിൽ കുറിച്ചു. ‘നഞ്ചിയമ്മാ പാട്ടി’ ദേശീയ പുരസ്‌കാരം നേടിയതിൽ അഭിമാനമുണ്ടെന്നും അദ്ദേഹം പറഞ്ഞു.

The pride of the Irula tribe, Smt Nanjamma avargal, has mesmerised millions with her voice, and I am proud to be one among them & cherish the memory of her meeting.

Delighted that Nanjamma Patti has won the National Award for the Best Playback Singer… pic.twitter.com/XBDBNaY1lk

— K.Annamalai (@annamalai_k) July 24, 2022

നഞ്ചിയമ്മയ്‌ക്ക് സ്വയം പരിചയപ്പെടുത്തി നൽകി പാട്ടുപാടാൻ അഭ്യർത്ഥിക്കുന്ന രസകരമായ ദൃശ്യങ്ങളാണ് അണ്ണാമലൈ പങ്കുവെച്ചത്. ”എൻെ പേര് അണ്ണാമലൈ.. പണ്ട് പോലീസിലായിരുന്നു. ഇപ്പോ തമിഴ്‌നാട് ബിജെപിയിൽ പ്രവർത്തിക്കുന്നു. നഞ്ചിയമ്മയുടെ വലിയ ആരാധകനാണ്. അതിനാൽ കാണാൻ വന്നതാണ്.. ഒരു അഭ്യർത്ഥനയുണ്ട്.. എനിക്ക് വേണ്ടി ആ പാട്ടൊന്ന് പാടാമോ.. ” അണ്ണമാലൈ പറഞ്ഞു. അയ്യപ്പനും കോശിയിലെ ‘കളക്കാത്ത സന്ദനമേറം’ നഞ്ചിയമ്മ പാടുകയും ചെയ്തു.

നഞ്ചിയമ്മയുടെ മറ്റ് വിശേഷങ്ങളും അണ്ണാമലൈ ചോദിച്ചറിഞ്ഞു. സിനിമയിൽ ഒരു അമ്മയുടെ വേഷമഭിനയിക്കാൻ അവസരം ലഭിച്ചിട്ടുണ്ടെന്ന് കൂടിനിന്നവർ അറിയിച്ചപ്പോൾ വീണ്ടും നഞ്ചിയമ്മയ്‌ക്ക് അഭിനന്ദനപ്രവാഹം. മനോഹരമായ ആ പഴയ കൂടിക്കാഴ്ചയുടെ ദൃശ്യങ്ങൾ ഇപ്പോൾ സോഷ്യൽമീഡിയയും ഏറ്റെടുത്തിരിക്കുകയാണ്.