കൊച്ചി: ഐഎസ്എല്ലിൽ അഭിമാനമായ കേരള ബ്ലാസ്റ്റേഴ്സിന് ഇനി വനിതാ കരുത്തും. പുതിയ സീസണിൽ വനിതാ ടീമിന്റെ പ്രഖ്യാപനവും നടത്തിയിരിക്കുകയാണ്. ഫുട്ബോൾ എല്ലാവരുടേയുമാണെന്ന സന്ദേശം നൽകിക്കൊണ്ടാണ് കെബിഎഫ്സി വനിതാ സീനിയർ ടീമിന്റെ പ്രഖ്യാപനം നടന്നത്. അതിന്റെ ഭാഗമായുള്ള ഒരു വീഡിയോയും സമൂഹമാദ്ധ്യമ ത്തിലൂടെ പുറത്തുവിട്ടിട്ടുണ്ട്. അക്കാദമിയുടേയും ടീമിന്റേയും ഡയറക്ടറായി റിസ്വാനെ നേരത്തെ ക്ലബ്ബ് തിരുമാനിച്ചിരുന്നു. മുൻ താരവും പരിശീലകനുമായ ഷെരീഫ് ഖാനാണ് വനിതാ ടീമിന്റെ ആദ്യ ഹെഡ് കോച്ചാവുക.
To new beginnings! 🤝🏽💛#ഒരുപുതിയതുടക്കം #YennumYellow #KBFC #കേരളബ്ലാസ്റ്റേഴ്സ് https://t.co/BlSelrp6TQ
— Kerala Blasters FC (@KeralaBlasters) July 25, 2022
ബ്ലാസ്റ്റേഴ്സിന്റെ വനിതാ ടീം എന്നത് ഒരു നാഴികക്കല്ലാണ്. സമൂഹത്തിനൊപ്പമാണ്. എല്ലാ തലമുറയ്ക്കുമൊപ്പമാണ് ബ്ലാസ്റ്റേഴ്സ് എന്ന് പറയുന്ന ക്ലബ്ബ് ഉടമസ്ഥർ ടീം അംഗങ്ങളാരൊക്കെ എന്ന് ഉടൻ പ്രഖ്യാപിക്കുമെന്നും അറിയിച്ചു. നിലവിൽ കേരളത്തിൽ നിന്നുള്ള പ്രധാന ക്ലബ്ബായ ഗോകുലം കേരള എഫ്സിയ്ക്ക് വനിതാ ടീമുണ്ട്.
സീസണിൽ ആദ്യ മത്സരം ഉദ്ദേശിക്കുന്നത് കേരള ഫുട്ബോൾ അസോസിയേഷൻ സംഘടിപ്പി ക്കുന്ന കേരള വുമൺസ് ലീഗാണ്. ഇവിടെ കിരീടം നേടിക്കൊണ്ട് ഇന്ത്യൻ വനിതാ ലീഗിൽ ഇത്തവണ വരവറിയിക്കുമെന്നാണ് ബ്ലാസ്റ്റേഴ്സ് പറയുന്നത്.
