ന്യൂഡൽഹി: കോമൺവെൽത്ത് ഗെയിംസിൽ രാജ്യത്തിന് നാലാം മെഡൽ സമ്മാനിച്ച ബിന്ധ്യാറാണി ദേവിയെ അഭിനന്ദിച്ച് പ്രധാനമന്ത്രി നരേന്ദ്ര മോദി. ബിന്ധ്യാറാണിയുടെ നേട്ടം ഓരോ ഇന്ത്യക്കാരനെയും സന്തോഷവാന്മാരാക്കുന്നുവെന്ന് അദ്ദേഹം പറഞ്ഞു. ട്വിറ്ററിലൂടെയായിരുന്നു പ്രധാനമന്ത്രി ബിന്ധ്യാറാണിയ്ക്ക് അഭിനന്ദനങ്ങൾ നേർന്നത്.
കോമൺവെൽത്ത് ഗെയിംസിൽ വെള്ളി മെഡൽ നേടിയ ബിന്ധ്യാറാണി ദേവിയ്ക്ക് അഭിനന്ദനങ്ങൾ. ഈ നേട്ടം ബിന്ധ്യാറാണിയുടെ പ്രയത്നത്തിന്റെ സാക്ഷാത്കാരമാണ്. ഇത് എല്ലാ ഇന്ത്യക്കാരെയും സന്തോഷവാന്മാരാക്കി. ഭാവിയിൽ കൂടുതൽ നേട്ടങ്ങൾ സ്വന്തമാക്കാൻ ബിന്ധ്യാറാണിയ്ക്ക് ആശംസകൾ- പ്രധാനമന്ത്രി ട്വിറ്ററിൽ കുറിച്ചു.
55 കിലോ വിഭാഗത്തിൽ നടന്ന ഭാരോദ്വഹന മത്സരത്തിലാണ് ബിന്ധ്യാറാണിയ്ക്ക് വെള്ളിമെഡൽ ലഭിച്ചത്. 202 കിലോ ഭാരം ഉയർത്തിയായിരുന്നു ബിന്ധ്യാറാണിയുടെ മെഡൽ നേട്ടം.
