ന്യൂഡൽഹി: കോമൺവെൽത്ത് ഗെയിംസിൽ ഇന്ത്യക്ക് വേണ്ടി സ്വർണമെഡൽ നേടിയ ജെറമി ലാൽറിൻനുങ്കയ്ക്ക് അഭിനന്ദന പ്രവാഹം. ജെറമിയുടെ സുവർണ നേട്ടത്തെ അഭിനന്ദിച്ച് രാഷ്ട്രപതി ദ്രൗപദി മുർമു, പ്രധാനമന്ത്രി നരേന്ദ്ര മോദി, കേന്ദ്ര കായിക വകുപ്പ് മന്ത്രി അനുരാഗ് ഠാക്കൂർ എന്നിവർ രംഗത്തെത്തി.
കോമൺവെൽത്ത് ഗെയിംസ് ഭാരോദ്വഹനത്തിൽ സ്വർണ മെഡൽ നേടിയ ജെറമി ലാൽറിൻനുങ്കയ്ക്ക് അഭിനന്ദനങ്ങൾ. പരിക്കേറ്റിട്ടും ആത്മവിശ്വാസം കൈവിടാതെ മുന്നോട്ട് പോയി ചരിത്രം കുറിച്ച താങ്കൾ ദശലക്ഷങ്ങൾക്ക് പ്രചോദനമാണ്. താങ്കളുടെ നേട്ടം എല്ലാ ഇന്ത്യക്കാർക്കും അഭിമാനകരമാണ്. താങ്കൾക്ക് ഇനിയും വിജയങ്ങൾ നേടാൻ കഴിയട്ടെ എന്ന് ആശംസിക്കുന്നു. രാഷ്ട്രപതി ട്വീറ്റ് ചെയ്തു.
Congratulations, Jeremy Lalrinnunga for winning gold in Weightlifting at #CommonwealthGames. Your self-belief despite injury during the event enabled you to create history & inspire millions.Your podium finish has filled Indians with pride. Wishing you more such moments of glory.
— President of India (@rashtrapatibhvn) July 31, 2022
നമ്മുടെ യുവശക്തി ചരിത്രം രചിക്കുകയാണ്. തന്റെ ആദ്യ കോമൺവെൽത്ത് ഗെയിംസിൽ തന്നെ ഗെയിംസ് റെക്കോർഡോടെ സ്വർണ മെഡൽ നേടിയ ജെറമി ലാൽറിൻനുങ്കയ്ക്ക് അഭിനന്ദനങ്ങൾ. ചെറുപ്രായത്തിൽ തന്നെ അദ്ദേഹം അഭിമാനകരവും മഹനീയവുമായ നേട്ടം സ്വന്തമാക്കിയിരിക്കുന്നു. ഭാവിയിലെ മികച്ച നേട്ടങ്ങൾക്ക് എല്ലാവിധ ആശംസകളും നേരുന്നു. പ്രധാനമന്ത്രി ട്വിറ്ററിൽ കുറിച്ചു.
Our Yuva Shakti is creating history! Congratulations to @raltejeremy, who has won a Gold in his very first CWG and has set a phenomenal CWG record as well. At a young age he’s brought immense pride and glory. Best wishes to him for his future endeavours. pic.twitter.com/dUGyItRLCJ
— Narendra Modi (@narendramodi) July 31, 2022
ഖേലോ ഇന്ത്യയിൽ നിന്നും കായിക രംഗത്തെ ഉന്നതങ്ങളിലേക്കുള്ള ഒരു താരത്തിന്റെ വളർച്ചയുടെ അനുപമമായ ഉദാഹരണമാണ് ജെറമി ലാൽറിൻനുങ്കയുടെ സ്വർണ നേട്ടമെന്ന് കേന്ദ്ര കായിക വകുപ്പ് മന്ത്രി അനുരാഗ് ഠാക്കൂർ പറഞ്ഞു. ഗെയിംസ് റെക്കോർഡ് തകർത്ത ജെറമിയുടെ പ്രകടനം രാജ്യത്തിന് അഭിമാനമാണെന്നും അദ്ദേഹം കൂട്ടിച്ചേർത്തു.
. @raltejeremy’s GOLD in Men's 67kg weightlifting in #CWG2022 is a perfect example of the growth of an athlete from Khelo India to TOPS core group. You broke the Games record too. India is proud of you. #Cheer4India pic.twitter.com/4rW1DqYAbF
— Anurag Thakur (@ianuragthakur) July 31, 2022
67 കിലോഗ്രാം വിഭാഗത്തിലാണ് ജെറമി ലാൽറിൻനുങ്ക ഇന്ത്യക്ക് വേണ്ടി സ്വർണ മെഡൽ നേടിയത്. ആകെ 300 കിലോ ഗ്രാം ഭാരമാണ് മത്സരത്തിൽ ജെറമി ഉയർത്തിയത്. മത്സരത്തിലുടനീളം പേശി വേദന ജെറമിയെ അലട്ടിയിരുന്നു. മൂന്നാം ശ്രമത്തിൽ കൈമുട്ടിന് പരിക്കേൽക്കുകയും ചെയ്തു. വേദന കടിച്ചമർത്തിയാണ് ഗെയിംസ് വേദിയിൽ ജെറമി ഇന്ത്യയുടെ അഭിമാനം ഉയർത്തിയത്.
Comments