തിരുവനന്തപുരം: ഭീകര സംഘടനയായ അല്‍-ഖ്വയ്ദയുടെ തലവന്‍ അയ്മന്‍ അല്‍ സവാഹിരിയുടെ മരണത്തില്‍ പരിഹാസക്കുറിപ്പുമായി സന്ദീപ് വാര്യര്‍. മതേതര കേരളത്തിന് തീരാ നഷ്ടമാണ് സവാഹിരിയുടെ വിയോഗമെന്ന് സന്ദീപ് വാര്യര്‍ തന്റെ ഫെയ്‌സ്ബുക്ക് കുറിപ്പില്‍ പറയുന്നു. ‘ പ്രശസ്ത കവിയും ഭിഷഗ്വരനുമായിരുന്ന അയ്മന്‍ അല്‍ സവാഹിരി ഓര്‍മ്മയായി. ഒസാമ ബിന്‍ ലാദന് ശേഷം അല്‍ ക്വയ്ദയെ നയിച്ച് വരികയായിരുന്നു. സാമ്രാജ്യത്വ ശക്തികളുടെ ഡ്രോണ്‍ ആക്രമണത്തിലാണ് സവാഹിരി രക്തസാക്ഷിത്വം വരിച്ചത്. പൂക്കളെയും പൂമ്പാറ്റകളെയും ഏറെ ഇഷ്ടപ്പെട്ടിരുന്നു. മതേതര കേരളത്തിന് തീരാ നഷ്ടമാണ് സവാഹിരിയുടെ വിയോഗമെന്നും’ സന്ദീപ് വാര്യര്‍ കുറിച്ചു.
ഡ്രോണ്‍ ആക്രമണത്തിലൂടെ അമേരിക്കയാണ് അയ്മന്‍ അല്‍ സവാഹിരിയെ കൊലപ്പെടുത്തിയത്. ടെലിവിഷനിലൂടെ നടത്തിയ പ്രത്യേക പ്രസ്താവനയിലൂടെയാണ് ജോ ബൈഡന്‍ ഇക്കാര്യം അറിയിച്ചത്. അഫ്ഗാന്‍ തലസ്ഥാനമായ കാബൂളില്‍ നടത്തിയ ഡ്രോണ്‍ ആക്രമണത്തിലാണ് സവാഹിരിയെ വധിച്ചതെന്ന് ബൈഡന്‍ പറഞ്ഞു. 2021 ഓഗസ്റ്റില്‍ അമേരിക്ക അഫ്ഗാനില്‍ നിന്ന് പിന്മാറി താലിബാന്‍ അധികാരം പിടിച്ചെടുത്തതിന് ശേഷം അമേരിക്ക അവിടെ നടത്തുന്ന ആദ്യത്തെ യുഎസ് ആക്രമണമാണിത്.
