ബിർമിംഗ്ഹാം: കോമൺവെൽത്ത് ഗെയിംസിൽ വീണ്ടും സ്വർണ മണിഞ്ഞ് ഇന്ത്യ. ലോൺ ബോളിൽ ഇന്ത്യയുടെ വനിതാ ടീം ആണ് സ്വർണം സ്വന്തമാക്കിയത്. ഫൈനലിൽ ദക്ഷിണാഫ്രിക്കയെ തോൽപ്പിച്ചുകൊണ്ടായിരുന്നു ഇന്ത്യയുടെ നേട്ടം. കോമൺവെൽത്ത് ഗെയിംസിൽ ഇതുവരെ ഇന്ത്യ നാല് സ്വർണ മെഡലുകളാണ് നേടിയത്.
കോമൺവെൽത്ത് ഗെയിംസിൽ ആദ്യമായാണ് ഇന്ത്യ ലോൺ ബോളിൽ സ്വർണം നേടുന്നത്. ദക്ഷിണാഫ്രിക്കയെ 17-10 നാണ് ഇന്ത്യ പരാജയപ്പെടുത്തിയത്. ലവ്ലി ചൗബേയ്, രൂപ റാണി ടിർക്കി, പിങ്കി, നയൻമോനി സയ്ക്കിയ എന്നിവരുടെ സംഘമാണ് ദക്ഷിണാഫ്രിക്കയെ നേരിട്ടത്.
അഞ്ചാം ദിനം പിന്നിടുമ്പോൾ കോമൺവെൽത്ത് ഗെയിംസിൽ ഇന്ത്യ ഇതുവരെ 10 മെഡലുകൾ ആണ് സ്വന്തമാക്കിയിട്ടുള്ളത്. നാല് സ്വർണത്തിന് പുറമേ, മൂന്ന് വെള്ളി, മൂന്ന് വെങ്കലം എന്നിവയാണ് ഇന്ത്യ സ്വന്തമാക്കിയ മെഡലുകൾ.
Comments