ന്യൂഡൽഹി: ഉപരാഷ്ട്രപതി തിരഞ്ഞെടുപ്പിൽ പ്രതിപക്ഷ സ്ഥാനാർത്ഥിയായ മാർഗരറ്റ് ആൽവയെ പിന്തുണയ്ക്കുമെന്ന് എ ഐ എം ഐ എം നേതാവ് അസദുദ്ദീൻ ഒവൈസി. എൻസിപി നേതാവ് ശരദ് പവാറിന്റെ വീട്ടിൽ ചേർന്ന യോഗത്തിന് ശേഷമാണ് ഒവൈസിയുടെ തീരുമാനം പാർട്ടി എം പി ഇംതിയാസ് ജലീൽ അറിയിച്ചത്.
മാർഗരറ്റ് ആൽവ വിജയിക്കണം എന്നാണ് ഒവൈസിയുടെ ആഗ്രഹം. അതിനായി ഞങ്ങൾ അവരെ പിന്തുണയ്ക്കുകയും സഹായിക്കുകയും ഒപ്പം നിൽക്കുകയും ചെയ്യും. ന്യൂനപക്ഷ പശ്ചാത്തലമുള്ള ഒരു സ്ത്രീയാണ് അവർ. ഇംതിയാസ് ജലീൽ പറഞ്ഞു.
നിലവിലെ ഉപരാഷ്ട്രപതി വെങ്കയ്യ നായിഡുവിന്റെ കാലാവധി ഓഗസ്റ്റ് 10ന് അവസാനിക്കാനിരിക്കെ, ഓഗസ്റ്റ് 6നാണ് ഉപരാഷ്ട്രപതി തിരഞ്ഞെടുപ്പ്. പശ്ചിമ ബംഗാൾ മുൻ ഗവർണർ ജഗദീപ് ധാങ്കറാണ് എൻഡിഎയുടെ ഉപരാഷ്ട്രപതി സ്ഥാനാർത്ഥി.
ഉപരാഷ്ട്രപതി തിരഞ്ഞെടുപ്പിൽ നിന്നും വിട്ടു നിൽക്കാനാണ് തൃണമൂൽ കോൺഗ്രസിന്റെ തീരുമാനം. ഇന്ത്യയുടെ പതിനാറാമത് ഉപരാഷ്ട്രപതിയെ തിരഞ്ഞെടുക്കാനാണ് മത്സരം.
