ന്യൂഡൽഹി: ഭാരതത്തിലെ രക്ഷാബന്ധൻ ആഘോഷത്തിന് മുന്നോടിയായി പ്രധാനമന്ത്രി നരേന്ദ്ര മോദിക്ക് രാഖിയും , കാർഡും അയച്ചു കൊണ്ട് 2024ലെ പൊതുതിരഞ്ഞെടുപ്പിൽ വിജയാശംസകൾ നേർന്ന് പാകിസ്താൻ സഹോദരി. രാജ്യത്തെ സ്ത്രീകൾ താങ്കളുടെ തണലിൽ പൂർണ്ണ സുരക്ഷിതരാണ്. 2024ലെ പൊതുതിരഞ്ഞെടുപ്പിൽ താങ്കൾക്ക് എല്ലാവിധ ആശംസകളും നേരുന്നു. പാകിസ്താൻ സ്വദേശിനിയായ ഖമർ മൊഹ്സിൻ ഷെയ്ഖ് പ്രധാനമന്ത്രി നരേന്ദ്ര മോദിയെ സഹോദരൻ എന്നാണ് വിശേഷിപ്പിച്ചത്. ഷെയ്ഖ് മുൻപും പ്രധാനമന്ത്രിക്ക് രാഖി ബന്ധിക്കുവാൻ ഇന്ത്യയിൽ എത്തിയിട്ടുണ്ട്.
പ്രധാനമന്ത്രി നരേന്ദ്ര മോദിയെ നേരിൽ കാണുവാൻ വീണ്ടും തനിക്ക് അതിയായ ആഗ്രഹമുണ്ട്. ഉടനെ തന്നെ അത് സാധിക്കുമെന്നും അവർ പറഞ്ഞു. എന്റെ സഹോദരന് ഞാൻ സ്വയം നിർമ്മിച്ച രാഖിയാണ് അയക്കുന്നത്. രശ്മി റിബ്ബൺ ഉപയോഗിച്ച് എംബ്രോയ്ഡറി ഡിസൈനിലാണ് രാഖി നിർമ്മിച്ചിരിക്കുന്നത്. അദ്ദേഹത്തിന്റെ ആയുരാരോഗ്യത്തിനായി ദിവസവും ഞങ്ങൾ പ്രാർത്ഥിക്കും. 2024ലെ പൊതുതിരഞ്ഞെടുപ്പിൽ അദ്ദേഹം തന്നെ അധികാരത്തിൽ വരുമെന്നും ഖമർ മൊഹ്സിൻ ഷെയ്ഖ് പറഞ്ഞു.
രക്ഷാബന്ധൻ സഹോദര ബന്ധത്തെയാണ് സൂചിപ്പിക്കുന്നത്. അദ്ദേഹം എനിക്ക് സഹോദരനാണ്. കഴിവും സാമർത്ഥ്യവുമുളള അദ്ദേഹത്തിന് രാജ്യത്തിന് വേണ്ടി ഒരുപാട് നല്ല കാര്യങ്ങൾ ചെയ്യാനുണ്ട്. അവ നടപ്പിലാക്കാൻ അദ്ദേഹം വീണ്ടും അധികാരത്തിൽ എത്തേണ്ടത് അനിവാര്യമാണെന്നും ഷെയ്ഖ് വ്യകത്മാക്കി.
