കോഴിക്കോട്:മുസ്ലീംലീഗ് എൽഡിഎഫിലേക്ക് പോകില്ലെന്ന് പറയാനാകില്ലെന്ന് മുതിർന്ന നേതാവും മുൻ മന്ത്രിയുമായ എംകെ മുനിർ എംഎൽഎ. അന്ധമായ സിപിഎം വിരോധമുള്ളയാളല്ല താൻ. ആശയപരമായി വ്യത്യാസമുള്ളവർ ഒരു മുന്നണിയിൽ പ്രവർത്തിക്കുന്നതിൽ തടസ്സമില്ലെന്ന് അദ്ദേഹം കൂട്ടിച്ചേർത്തു.
ലീഗ് എൽഡിഎഫിലേക്ക് വന്നാൽ കൊള്ളാമെന്ന നിലപാടുള്ളവർ സിപിഎമ്മിലുണ്ടെന്ന് മുനീർ പറഞ്ഞു. നിയമസഭയിൽ നോക്കിയാൽ ഒരു കൂട്ടം ആളുകൾ ലീഗിനെ മാത്രമായി ആക്രമിക്കുന്നത് കാണാം. അവർക്കെതിരെ അഭിപ്രായ വ്യത്യാസങ്ങൾ പറയാൻ തനിക്കുള്ളത് അവകാശമുള്ളത് പോലെ അവർക്കുമുണ്ട്. അതിനെ എതിർക്കാൻ ഉദ്ദേശിക്കുന്നില്ലെന്ന് അദ്ദേഹം കൂട്ടിച്ചേർത്തു.
നേരത്തെ എൽഡിഎഫിലേക്ക് ചേക്കാറാൻ മുസ്ലീം ലീഗ് ആലോചിക്കുന്നു എന്ന തരത്തിൽ വാർത്തകൾ പുറത്ത് വന്നിരുന്നു. മുതിർന്ന നേതാവ് കുഞ്ഞാലിക്കുട്ടിയെ ചുറ്റിപ്പറ്റിയായിരുന്നു വാർത്തകൾ. കോൺഗ്രസ് ബന്ധം ഉപേക്ഷിച്ച് മുസ്ലീം ലീഗ് വന്നാൽ ആലോചിക്കാമെന്ന ഇപി ജയരാജന്റെ പരാമർശവും വന്നതോടെ എൽഡിഎഫിലേക്ക് നിലവിൽ പോകാൻ ഉദ്ദേശിക്കുന്നില്ലെന്ന് കുഞ്ഞാലിക്കുട്ടി വ്യക്തമാക്കുകയായിരുന്നു.
