മുംബൈ: സിംബാബ്വേയ്‌ക്ക് എതിരായ ഏകദിന പരമ്പരയിലേക്ക് സഞ്ജു സാംസണിനെ ടീമിലെടുത്ത് ബിസിസിഐ. വിക്കറ്റ് കീപ്പറെന്ന നിലയിൽ തന്നെയാണ് സഞ്ജുവിനെ പരിഗണിച്ചത്. ഇഷാൻ കിഷനും ടീമിലുണ്ട്. പരിക്കുമാറിയതോടെ ഏകദിന പരമ്പരയിൽ ടീമിനെ കെ.എൽ.രാഹുൽ നയിക്കുമെന്നും ബിസിസിഐ അറിയിച്ചു.മൂന്ന് ഏകദിനങ്ങളാണ് സിംബാബ്വേയിൽ ഇന്ത്യ കളിക്കുന്നത്. നിലവിൽ ബംഗ്ലാദേശിനെതിരെ മികച്ച പ്രകടനമാണ് സിംബാബ്വേ നടത്തുന്നത്.
ഇംഗ്ലണ്ടിനെതിരേയും വെസ്റ്റിൻഡീസിനെതിരേയും സഞ്ജു നടത്തിയ സ്ഥിരതയാർന്ന പ്രകട നമാണ് ടീമിലേയ്‌ക്കുള്ള വാതിൽ തുറന്നുകൊടുത്തത്. രാഹുലിനൊപ്പം ഉപ നായകനായി ശിഖർ ധവാനെയാണ് നിശ്ചയിച്ചിട്ടുള്ളത്. സഞ്ജുവിനെ(കീപ്പർ) കൂടാതെ ഇഷാൻ കിഷൻ (കീപ്പർ), ഋതുരാജ് ഗെയ്ക്വാദ്, ശുഭ്മാൻ ഗിൽ, ദീപക് ഹൂഡ, രാഹുൽ ത്രിപാഠി, വാഷിംഗ്ടൺ സുന്ദർ, ഷാർദ്ദൂൽ ഠാക്കൂർ, കുൽദീപ് യാദവ്, അക്ഷർ പട്ടേൽ, ആവേശ് ഖാൻ, പ്രസിദ്ധ് കൃഷ്ണ, മുഹമ്മദ് സിറാജ്, ദീപക് ചാഹർ എന്നിവരാണ് ടീമിലിടം നേടിയ മറ്റുള്ളവർ.
ഈ മാസം 18-ാം തിയതി സിംബാബ്‌വേയിലെ ഹരാരേയിലാണ് ആദ്യ ഏകദിനം നടക്കുന്നത്. 20-ാം തിയതി രണ്ടാമത്തെ മത്സരവും 22-ാം തിയതി മൂന്നാമത്തെ മത്സരവും ഹാരാരേയിൽ തന്നെ നടക്കുമെന്ന് ബിസിസിഐ സെക്രട്ടറി ജയ് ഷാ അറിയിച്ചു.
