ഇന്തോ-പസഫിക് മേഖലയിലേക്ക് റഫേലുകളുമായി ഫ്രാൻസ്; ക്വാഡ് വിശാല സഖ്യത്തിന്റെ വ്യോമാഭ്യാസത്തിൽ മറ്റ് അഞ്ച് വ്യോമശക്തികളും

ചെന്നൈ: ക്വാഡ് സഖ്യത്തിന്റെ തട്ടകമായ പസഫിക് മേഖലയിലേയ്‌ക്ക് വ്യോമാഭ്യാ സത്തിനായി ഫ്രാൻസ്. ഫ്രാൻസിന്റെ ഫ്രഞ്ച് എയർ ആന്റ് സ്‌പേസ് ഫോഴ്‌സ് വിഭാഗമാണ് ക്വാഡ് സഖ്യത്തിന്റെ ശക്തികേന്ദ്രത്തിൽ കൈകോർക്കുന്നത്. പെഗേസ്22 എന്ന പേരിലാണ് വ്യോമാഭ്യാസം നടക്കുക. ഫ്രാൻസിന്റെ വ്യോമതാവളത്തിൽ നിന്ന് പസഫിക്കിലെ ഫ്രഞ്ച് അധീനതയിലുള്ള കാലേഡോണിയ ദ്വീപിലേയ്‌ക്ക് 72 മണിക്കൂർകൊണ്ട് എത്തിച്ചേരാനുള്ള ദൗത്യമാണ് ഫ്രാൻസ് പരീക്ഷിക്കുന്നത്. ആകെ 16,600 കിലോമീറ്റർ ദൂരമാണ് ഫ്രാൻസും പസഫിക്കിലെ കാലോഡോണിയയും തമ്മിലുള്ളത്.

ഈ മാസം 10നും സെപ്തംബർ 18നുമിടയിലാണ് വ്യോമാഭ്യാസം. വിവിധ വ്യോമപരീക്ഷണ ങ്ങൾക്കാണ് ഫ്രാൻസ് പസഫിക് കേന്ദ്രമാക്കി തീരുമാനിച്ചിരിക്കുന്നത്. ക്വാഡ് സഖ്യത്തിന്റെ ഭാഗമായ ഇന്ത്യയ്‌ക്കൊപ്പം അമേരിക്കയും ഓസ്‌ട്രേലിയയും ജപ്പാനും പരിശീലനത്തിലുണ്ട്. ഇവരെക്കൂടാതെ ജർമ്മനി, ബ്രിട്ടൺ, ദക്ഷിണ കൊറിയ, ഇന്തോനേഷ്യ, സിംഗപ്പൂർ എന്നീ അഞ്ച് വ്യോമശക്തികളും പസഫിക്കിലെ വ്യോമാഭ്യാസത്തിൽ പങ്കുചേരുകയാണ്. ചൈനയും റഷ്യയും വടക്കൻ കൊറിയയും നിലവിൽ അസ്വസ്ഥത സൃഷ്ടിച്ചിരിക്കുന്ന മേഖലയിലെ ക്വാഡ് ഉൾപ്പെടുന്ന വിശാല വ്യോമപരിശീലനം അതീവ നിർണ്ണായകമാണ്.

പസഫിക്കിലേക്ക് എത്തും മുന്നേ ഇടത്താവളമായ ചെന്നൈയ്‌ക്കടുത്തുള്ള സുലൂർ വ്യോമതാവളത്തിലാണ് റഫേലുകൾ ഇന്നലെ പറന്നിറങ്ങിയത്. പസഫിക് മേഖലയിൽ വരുംനാളുകളിൽ നടക്കാനിരിക്കുന്ന പരിശീലനത്തിനായിട്ടാണ് ഫ്രാൻസ് വിമാനങ്ങളെ അയച്ചത്. ഫ്രാൻസിന്റെ വ്യോമയാന വകുപ്പുമായി തന്ത്രപരമായ പങ്കാളിത്തമാണ് ഇന്ത്യയ്‌ക്കുള്ളത്. നിലവിൽ റഫേലുകൾ ഇന്ത്യൻ വ്യോമസേനയുടെ ഭാഗവുമാണ്. ഇന്ത്യയുടെ വ്യോമതാവളങ്ങളാണ് പസഫിക്കിലെ ആവശ്യത്തിനായി ഫ്രാൻസ് ഇനി ഉപയോഗിക്കുക. അറ്റകുറ്റപ്പണികൾക്കുള്ള സംവിധാനവും ഇന്ത്യയിൽ ഒരുങ്ങുന്നുവെന്ന സൂചനയുമുണ്ട്.

അതീവ നിർണ്ണായകമായ ദൗത്യമാണ് പസഫിക്കിൽ ഭാവിയിൽ ഫ്രാൻസും ലക്ഷ്യം വയ്‌ക്കുന്നത്. ഫ്രാൻസിൽ നിന്നും പസഫിക്കിലേക്ക് വിമാനങ്ങൾ പറത്തുമ്പോൾ ഇന്ത്യയുടെ വ്യോമമേഖല നിർണ്ണായകമാണ്. ഒപ്പം ഇന്ധനം നിറയ്‌ക്കാനും അറ്റകുറ്റപ്പണികൾക്കും ഇന്ത്യ സുപ്രധാന ഇടത്താവളമാക്കാനാണ് പരസ്പര ധാരണ.

ഇന്ത്യയിൽ നിന്നും പസഫിക്കിലേയ്‌ക്കുള്ള ദൂരവും തിരികെ പറന്നിറങ്ങാനുള്ള മാർഗ്ഗങ്ങ ളുമെല്ലാം യുദ്ധമുണ്ടായാൽ ഏറെ ഗുണകരമാകും. മൂന്ന് റഫേലുകളും ഇന്ത്യയിലേക്ക് നേരിട്ടാണ് പറന്നിറങ്ങിയത്. ഇന്ന് പസഫിക്കിലേയ്‌ക്കും തിരികേയും പറക്കും. ഇത്തരം ഘട്ടത്തിൽ നേരിടേണ്ടിവരുന്ന സാങ്കേതിക പ്രശ്‌നങ്ങളാണ് രണ്ടുദിവസം പരീക്ഷണ വിധേയമാക്കുന്നത്.