ലണ്ടൻ: ട്വെന്റി20 ക്രിക്കറ്റിൽ ചരിത്രം കുറിച്ച് ഡ്വെയ്ൻ ബ്രാവോ. ട്വെന്റി20യിൽ 600 വിക്കറ്റ് നേടുന്ന ആദ്യ ബൗളറായി മാറിയിരിക്കുകയാണ് ഈ കരീബിയൻ ഓൾ റൗണ്ടർ.നോർത്തേൺ സൂപ്പർ ചാർജേഴ്സിനു വേണ്ടി കളിക്കുന്ന ബ്രാവോ ഓവൽ ഇൻവിൻസിബിൾസിനെതിരെയാണ് നേട്ടം കൈവരിച്ചത്. 546 മത്സരങ്ങളിൽ നിന്നാണ് ബ്രാവോ അറുനൂറു വിക്കറ്റുകൾ തികച്ചത്.
ദക്ഷിണാഫ്രിക്കൻ താരമായ റിലീ റോസോവിനേയും ഇംഗ്ലീഷ് താരമായ സാം കറനേയുമാണ് പുറത്താക്കിയത്. 29 റൺസിനാണ് 2 വിക്കറ്റുകൾ വീഴ്‌ത്തിയത്.
ദീർഘകാലം ചെന്നൈ സൂപ്പർകിംഗ്സിന്റെ പ്രധാന താരമായിരുന്ന ബ്രാവോ ഐപിഎല്ലിൽ 183 വിക്കറ്റുകൾ വീഴ്‌ത്തിയിട്ടുണ്ട്. വെസ്റ്റിൻഡീസിനു വേണ്ടി 91 മത്സരങ്ങളിൽ നിന്ന് 78 വിക്കറ്റുകളും,മറ്റ് മത്സരങ്ങളിൽ നിന്ന് 261 വിക്കറ്റുകളും വീഴ്‌ത്തിയിട്ടുണ്ട്.
