ന്യൂഡൽഹി: കോൺഗ്രസ് അദ്ധ്യക്ഷ സോണിയാ ഗാന്ധിയ്ക്ക് വീണ്ടും കൊറോണ. കോൺഗ്രസ് നേതാവ് ജയ്‌റാം രമേശ് ആണ് ട്വിറ്ററിലൂടെ ഈ വിവരം പുറത്തുവിട്ടത്. രണ്ടാം തവണയാണ് സോണിയ ഗാന്ധി കൊറോണ ബാധിതയാകുന്നത്. സോണിയ വീട്ടിൽ നിരീക്ഷണത്തിൽ തുടരും.
കോൺഗ്രസ് അദ്ധ്യക്ഷ സോണിയ ഗാന്ധിയ്ക്ക് കൊറോണ സ്ഥിരീകരിച്ചു. പ്രോട്ടോകോൾ പ്രകാരം സോണിയ നിരീക്ഷണത്തിൽ തുടരും- ജയ്‌റാം രമേശ് ട്വീറ്റ് ചെയ്തു.
കഴിഞ്ഞ ദിവസം മകൾ പ്രിയങ്ക വാദ്രയ്‌ക്കും കൊറോണ സ്ഥിരീകരിച്ചിരുന്നു. ഇതിന് പിന്നാലെയാണ് വീണ്ടും സോണിയയ്‌ക്ക് രോഗം ബാധിച്ചത്. ജൂൺ രണ്ടിനാണ് സോണിയയ്‌ക്ക് ഇതിന് മുൻപ് കൊറോണ സ്ഥിരീകരിച്ചത്. പരിശോധനാ ഫലം നെഗറ്റീവ് ആയെങ്കിലും കൊറോണാനന്തര രോഗങ്ങളാൽ സോണിയാ ഗാന്ധി ശാരീരിക ബുദ്ധിമുട്ടുകൾ നേരിട്ടുവരികയാണ്. ഇതിനിടെയാണ് വീണ്ടും രോഗം ബാധിച്ചത്. തിങ്കളാഴ്ച നടക്കുന്ന സ്വാതന്ത്ര്യ ദിന പരിപാടികളിൽ നിന്നും സോണിയ വിട്ടു നിൽക്കും.
