തൃശൂർ: തിയറ്റുകളെ ഇളക്കി മറിച്ച് മുന്നേറുന്ന ചിത്രം പാപ്പൻ 50 കോടി ക്ലബിൽ ഇടംപിടിച്ചതിന് പിന്നാലെ സുരേഷ് ഗോപിയ്ക്കൊപ്പമുള്ള ചിത്രം പങ്കുവെച്ച് നടൻ ഷമ്മി തിലകൻ. ചാലക്കുടിയിലെ ഡി സിനിമാസിൽ എത്തിയപ്പോൾ എടുത്ത ചിത്രങ്ങളാണ് ഷമ്മി തിലകൻ ഫേസ്ബുക്കിലൂടെ പങ്കുവെച്ചത്. സുരേഷ് ഗോപിയെ പാപ്പൻ ചിത്രത്തിലെ കഥാപാത്രത്തിന്റെ പേരായ ‘എബ്രഹാം മാത്യു മാത്തൻ’ എന്നാണ് ഷമ്മി തിലകൻ അഭിസംബോധന ചെയ്തിരിക്കുന്നത്.
ഡി സിനിമാസിൽ പാപ്പൻ ചിത്രം പ്രദർശിപ്പിക്കുന്നുണ്ട്. ഇതേ തുടർന്നാണ് സുരേഷ് ഗോപി തിയറ്ററിൽ എത്തിയത്. ഇക്കാര്യം അറിഞ്ഞ് ഷമ്മി തിലകനും അദ്ദേഹത്തെ കാണാൻ എത്തുകയായിരുന്നു. തിരിച്ചു പോകാനായി കാറിൽ കയറാൻ ഒരുങ്ങുമ്പോഴാണ് ഫോട്ടോ എടുത്തതെന്നും ഷമ്മി തിലകൻ പറയുന്നുണ്ട്. സുരേഷ് ഗോപിയ്ക്കൊപ്പമുള്ള രണ്ട് ചിത്രങ്ങളാണ് ഷമ്മി തിലകൻ ഫേസ്ബുക്കിൽ പങ്കുവെച്ചിട്ടുള്ളത്.
ഫേസ്ബുക്ക് കുറിപ്പിന്റെ പൂർണരൂപം
ചാലക്കുടിയിൽ’പാപ്പൻ’ കളിക്കുന്ന ഡി സിനിമാസ് സന്ദർശിച്ച ‘എബ്രഹാം മാത്യു മാത്തൻ’ സാറിനെ പോയി കണ്ടിരുന്നു.
ഇത്തവണ പൊറോട്ടയും ബീഫിനും പകരം പോപ് കോൺ വാങ്ങിത്തന്നു.??
യാത്ര പറഞ്ഞു കാറിൽ കയറുമ്പോൾ ഒപ്പം നിർത്തി ഒരു ഫോട്ടോ എടുത്തോട്ടേ എന്ന് ചോദിച്ചു. അതുകഴിഞ്ഞ് ഒന്നുകൂടി ചോദിച്ചു..??
‘കത്തി കിട്ടിയോ സാറേ’..???
അതിന് അദ്ദേഹം പറഞ്ഞത്..;
‘അന്വേഷണത്തിലാണ്’..!
‘കിട്ടിയാലുടൻ ഞാൻ വന്നിരിക്കും’..!
‘പൊക്കിയെടുത്ത് അകത്തിടുകേം ചെയ്യും’..!
കർത്താവേ..; ??
ഈ സാറെന്നെക്കൊണ്ട് ഇനിയും പാടിക്കുമോ..?
കുയില പുടിച്ച് കൂട്ടിൽ അടച്ച്..;
കൂവ സൊല്ലുഗിറ ഉലകം..!
മയില പുടിച്ച് കാല ഒടച്ച്..;
ആട സൊല്ലുഗിറ ഉലകം..!
എന്തായാലും, കത്തി കിട്ടിയാൽ പറ സാറേ ഞാൻ അങ്ങ് വന്നേക്കാം..!
