നമ്മുടെ വിശേഷപ്പെട്ട ദിവസങ്ങളിൽ പ്രിയപ്പെട്ടവർ പങ്കെടുക്കുന്നത് ഏറെ സന്തോഷം തരുന്ന കാര്യമാണ്. വിവാഹദിവസമാണെങ്കിൽ അതിന്റെ സന്തോഷം ഒന്നു വേറെ തന്നെയാണ്. കുടുംബാംഗങ്ങളും സുഹൃത്തുക്കളും പ്രിയപ്പെട്ടവരും സഹപ്രവർത്തകരും എല്ലാം ഒത്തുചേർന്ന് ഉത്സവപ്രതീതിയാണ് വിവാഹദിവസങ്ങൾക്ക്.
ചൈനയിലെ ഒരു യുവതിയും തന്റെ വിവാഹത്തിന് ഇങ്ങനെ എല്ലാവരും ഉണ്ടാവണമെന്ന് ആഗ്രഹിച്ചു. അതിനായി തന്റെ സഹപ്രവർത്തകരെ എല്ലാം വിളിച്ചു. തന്റെ ജോലി ചെയ്യുന്ന 70 പേരെയാണ് യുവതി ക്ഷണിച്ചത്. അതും വിവാഹത്തിന് രണ്ടുമാസം മുൻപേ ക്ഷണക്കത്ത് നൽകി.
വിവാഹത്തിന് തന്റെ സഹപ്രവർത്തകർ പങ്കെടുക്കുന്നതും കാത്തിരുന്ന യുവതിയ്ക്ക് കടുത്ത നിരാശയായിരുന്നു ഫലം. ക്ഷണിച്ച 70 സഹപ്രവർത്തകരിൽ ആകെ വന്നത് ഒരാൾ മാത്രമാണ്.ഇത് കാരണം 69 പേർക്ക് തയ്യാറാക്കി വെച്ച ഭക്ഷണവും ഒരുക്കങ്ങളും പാഴായി.
സഹപ്രവർത്തകരെ കുടുംബത്തിനും കൂട്ടുകാർക്കും പരിചയപ്പെടുത്താനാഗ്രഹിച്ച അവൾ അപമാനിതയായി. ദു:ഖം സഹിക്കവയ്യാതെ ജോലി രാജി വെച്ച് മറ്റ് കമ്പനിയിലേക്ക് മാറിയിരിക്കുകയാണ് യുവതി ഇപ്പോൾ.
Comments