പത്തനംതിട്ട: ഹൈന്ദവ വിശ്വാസങ്ങളെ അവഹേളിക്കുകയും ഇസ്ലാം മതമൗലികവാദത്തെ അനുകൂലിക്കുകയും ചെയ്യുന്ന സുനിൽ പി ഇളയിടത്തെ ഭരണഘടന സാക്ഷരതാ പരിപാടിയിൽ പങ്കെടുപ്പിച്ച് പത്തനംതിട്ട നഗരസഭ. പത്തനംതിട്ട ജില്ലാ കളക്ടർ ഉൾപ്പെടെ പങ്കെടുത്ത ഔദ്യോഗിക പരിപാടിക്കെതിരെ വിമർശനം ശക്തമാകുകയാണ്. എസ് ഡി പി ഐയുടെ പിന്തുണയോടെ എൽ ഡി എഫ് ഭരിക്കുന്ന നഗരസഭയാണ് പത്തനംതിട്ട.
ഭാരതത്തിന്റെ ആത്മാവായ ഹിന്ദുത്വ സംസ്കൃതിയെ അപമാനിക്കുകയും ഇസ്ലാമിക മൗലികവാദികൾക്ക് പിന്തുണ നൽകുകയും ചെയ്യുന്ന നിലപാട് പരസ്യാമായി പ്രഖ്യാപിച്ച വ്യക്തിയാണ് സുനിൽ പി ഇളയിടം. ഹിന്ദുത്വത്തെയും പൊളിറ്റിക്കൽ ഇസ്ലാമിനെയും ഒരേ പോലെ അംഗീകരിക്കാനാവില്ല. ഇന്ത്യൻ സാഹചര്യത്തിൽ പൊളിറ്റിക്കൽ ഇസ്ലാം ഉന്നയിക്കുന്ന പ്രശ്നങ്ങൾ അഭിസംബോധന ചെയ്യപ്പെടേണ്ടതാണെന്ന് സുനിൽ പി ഇളയിടം നേരത്തേ വ്യക്തമാക്കിയിരുന്നു.
സുനിൽ പി ഇളയിടത്തെ പങ്കെടുപ്പിച്ച പരിപാടിയുടെ ഫോട്ടോ പങ്കു വെച്ച പത്തനംതിട്ട ജില്ലാ കളക്ടറുടെ ഫേസ്ബുക്ക് പേജിൽ പ്രതിഷേധം ശക്തമാണ്. എസ്ഡിപിഐ സ്വതന്ത്ര അംഗത്തിന്റെ പിന്തുണയോടെയാണ് പത്തനംതിട്ട നഗരസഭ എൽഡിഎഫ് ഭരിക്കുന്നത്.
Comments